මේෂ
දරුවන්ගේ කටයුතුවල දියුණුවක්
ලග්නාධිපති කුජ, බුධ, සිකුරු සමඟ පූර්ව පුණ්‍යස්ථානය වූ පස් වැන්නේය. ශනි, කේතු 9 ද, රාහු 3 ගමන්ගනී. තම කටයුතු කරගෙනය යෑමේ දී දෝෂාරෝපණයන්ට ලක් විය හැකිය. විරුද්ධකරුවන් සමඟ කටයුතු කිරීමට සිදු වේ. වෘත්තීය සහ රැකියාවේ දී තමන්ට නොසුදුසු අය සමඟ කටයුතු කිරීමට යෑමෙන් වළකින්න. ආදායම් ලැබුණ ද වියදම් පක්ෂය ඉහළ යයි. මිල මුදල් සම්බන්ධ කටයුතුවල දී ප්‍රවේසම් වන්න. ගෙදරදොර කටයුතුවල දී සමඟියට සාමයට එතරම් බාධා එල්ල නොවේ. දරුවන්ගේ කටයුතුවල දියුණුවක් ලබාගනු ඇත. පර්යේෂණ කටයුතුවලට, ගුප්ත කටයුතුවලට ආගමික අංශයන්ට නැඹුරුව ක්‍රියා කරයි. අනතුරු, තුවාල, ලේ දූෂ්‍යාබාධවලට ඉඩ පවතී.
ජය වර්ණය- රතු, අංකය- 09, දිනය- සඳුදා
වෘෂභ
බාධා මැද දියුණුව
ලග්නාධිපති ගුරු, සිකුරු, රවි, කුජ. බුධ සමඟ හතර වැන්නේ සිටී. ශනි, කේතු 8 ද, රාහු 2 ද ගමන් කරයි. ගුරු හතේ වේ. එම ග්‍රහ ගෝචරය ගැන සැලකීමේ දී යම් බාධා අවහිරතා මධ්‍යයේ වුව ද කිසියම් සාර්ථක ප්‍රතිඵලයක් උදා කරගත හැකිය. අන්‍යයන්ගේ සහයෝගය, උපකාරය ලැබිය හැකිය. ආර්ථික වශයෙන් ශුභදායකයි.
විවිධ ක්ෂේත්‍රයන්ට යොමු වීමෙන් සාර්ථක ප්‍රතිඵල ලැබිය හැකිය. ගෙදරදොර කටයුතුවල දී සමඟිය සාමය සුරක්ෂිත වේ. දරුවන්ගේ කටයුතු කෙරෙහි දියුණුවක් ලැබීමේ ඉඩකඩ පවතී. අධ්‍යාපන අංශවල යෙදීසිටින අයට අලූත් විෂයයන් ඉගෙනීමට අවස්ථාව සලසා ගත හැකිය. මූත්‍ර දෝෂ, වකුගඩු ආශ්‍රිත පීඩා, ලේ දූෂ්‍යාබාධ, උෂ්ණාධික රෝගාදියෙන් ප්‍රවේසම් විය යුතුයි.
ජය වර්ණය- නිල්, අංකය- 06, දිනය- සිකුරාදා
මිථුන
වෙළෙඳ ව්‍යාපාරවලින් වාසි
ලග්නාධිපති බුධ, රවි, කුජ, සිකුරු තුන්වැන්නේය. රාහු ලග්නයේ ද, ශනි, කේතු 7, ගුරු 6 ගමන් කරයි. එම ග්‍රහ ගෝචරය සැලකීමේ දී මිශ්‍රපලදායක තත්ත්වයක් පෙන්වයි. වෘත්තීය සහ රැකීරක්ෂා කටයුතුවල දී කිසියම් මට්ටමක අභිවෘද්ධියක් ලබයි.
වෙළෙඳ ව්‍යාපාරවල යෙදී සිටින අයට වාසිදායක තත්ත්වයක් උදා කරයි. ආර්ථික වශයෙන් ද ශුභයි. කෙටි ගමන්බිමන් අධික වේ. ආදායම් ලැබුණ ද වියදම් පක්ෂය ද තරමක් ඉහළ යයි.
දරුවන්ගේ කටයුතු යහපත්ය. අධ්‍යාපන අංශවල යෙදී සිටින අයට උත්සාහය තුළ සාර්ථක ප්‍රතිඵල ලැබිය හැකිය. වෛරස් රෝග, ලේ දූෂ්‍යාබාධ, උෂ්ණාධික රෝගාදියෙන් ප්‍රවේසම් විය යුතුයි.
ජය වර්ණය- කොළ, අංකය- 05, දිනය- බදාදා
කටක
ආදායමේ දියුණුවක්
ලග්නාධිපති සඳු තුනේ වේ. රවි, කුජ, බුධ, සිකුරු දෙවැන්නේය. ගුරු 5 ගමන්ගනී. එම ග්‍රහ චලනය ගැන සැලකීමේ දී විටෙක සුළු බාධා අවහිරතා ඇතත් වෘත්තීය සහ රැකීරක්ෂා කටයුතුවල කිසියම් දියුණුවක් ක්‍රමයෙන් ලබනු ඇත. ආදායම් තත්ත්වයේ කිසියම් සාර්ථක ප්‍රතිඵලයක් උදා කරයි. කෙසේ වුවත් වියදම් පක්ෂය ඉහළ යනු ඇත. මිල මුදල් සම්බන්ධ කටයුතුවල දී ප්‍රවේසම් විය යුතුයි. ගෙදරදොර කටයුතු කරගෙන යෑමේ දී ඉවසීමෙන් ද විමසිලිමත්ව ද ක්‍රියා කරන්න. නොඑසේ නම් ආකූලතා ව්‍යාකූලතා ඉස්මතු කරනු ඇත. දරුවන්ගේ කටයුතු උදෙසා කාලයත් ධනයත් ශ්‍රමයත් වැය වේ. ඉගෙනීමේ කටයුතුවල යෙදී සිටින අයට අලුත් විෂයයන් කෙරෙහි අවධානය යොමු කළ හැකිය. ශරීර සෞඛ්‍යය ගැන සැලකිලිමත් වන්න.
ජය වර්ණය- ක්‍රීම් පාට, අංකය- 02, දිනය- සඳුදා
සිංහ
ගතට සිතට සතුට
ලග්නාධිපති රවි, කුජ, බුධ, සිකුරු ලග්නයේ ද, රාහු 11 ද ශනි, කේතු 5, ගුරු 4 ගමන් ගනී. එම ග්‍රහ ගෝචරය ගැන සැලකීමේ දී කරගෙන යනු ලබන කටයුතුවලින් ද ලාභ බලාගෙන කරන කටයුතුවලින් ද සාර්ථක ප්‍රතිඵල ලබයි.
රැකියා කටයුතුවල දී අන්‍යයන්ගේ සහාය උපකාරය ලැබීමෙන් තමාගේ කටයුතු සාර්ථක කරගත හැකිය.
මිල මුදල් කටයුතු යහපත්ය. ගෙදරදොර කටයුතුවල දී සමඟිය සාමය සුරක්ෂිත වේ.
දරුවන්ගේ කටයුතු ගැන අවධානයෙන් සිටිය යුතුයි. අධ්‍යාපන කටයුතුවල යෙදී සිටින අයට පර්යේෂණ කටයුතුවලට යහපත්ය. උෂණාධික, උදරාශ්‍රිත රෝගවලින් ප්‍රවේසම් වන්න.
ජය වර්ණය- රතු, අංකය- 01, දිනය- ඉරිදා
කන්‍යා
දියුණුවට බාධා
ලග්නාධිපති බුධ, රවි, කුජ, සිකුරු 12 ද, ගුරු 3 ද ශනි, කේතු 4 ද, රාහු 10 ගමන් කරයි. එම ග්‍රහ පිහිටීම සලකන කල තමාගේ දියුණුවට බාධා අවහිරතා ඉස්මතු විය හැකිය. වෘත්තීය සහ රැකීරක්ෂා කටයුතුවල දී ද එසේමයි.
අන්‍යයන්ගේ සහාය ආධාරය උපකාරය ඔබ බලාපොරොත්තු වන තරමට සාර්ථක නොවේ. ව්‍යාපාරික අංශවල යෙදී සිටින අයට ශුභයි. ගෙදරදොර කටයුතු මෙන්ම යුගදිවිය සම්බන්ධ කටයුතු ද සාමාන්‍ය අන්දමට සිදු වේ. දරුවන්ගේ කටයුතුවල දියුණුවක් ලබනු ඇත. අධ්‍යාපන කටයුතුවල යෙ දී සිටින අයට යහපත්ය. උත්සාහයෙන් සාර්ථක ප්‍රතිඵල ලබයි. උෂ්ණාධික රෝග, උදරාශ්‍රිත පීඩාවලට ගොදුරු විය හැකිය.
ජය වර්ණය- කොළ, අංකය- 05, දිනය- බදාදා
තුලා
ගෙදරදොර කටයුතු හොඳින්
ලග්නාධිපති සිකුරු 11 වැන්නේ රවි, කුජ, බුධ සමගයි. ශනි, කේතු 3 ද, රාහු 9 ද සිටී. එම ග්‍රහ ගෝචරය සැලකීමේ දී වෘත්තීය සහ රැකියා අංශවලට බාධා අවහිරතා ඉස්මතු වනු ඇත. එම නිසා කල්පනාකාරීව ක්‍රියා කළ යුතුය. විදේශීය සම්බන්ධතා මත කරන කටයුතුවලට ශුභයි. ආර්ථික වශයෙන් ශුභදායක වේ. විවිධ අංශයන්ට යොමු වීමෙන් ආර්ථික වාසි ලබයි.
ගෙදරදොර කටයුතු මෙන්ම යුගදිවිය සම්බන්ධ කටයුතු යහපත්ය. සමඟිය සාමය සුරක්ෂිත වේ. දරුවන්ගේ කටයුතුවල දියුණුවක් පෙන්වයි. අධ්‍යාපන අංශවල යෙදී සිටින අයට අලුත් විෂයයන් කෙරෙහි අවධානය යොමු කළ යුතුයි. තුනටිය ආශ්‍රිත පීඩා, ලේ දූෂ්‍යාබාධ, උෂ්ණාධික රෝගාදියෙන් ද ප්‍රවේසම් විය යුතුයි.
ජය වර්ණය- නිල්, අංකය- 06, දිනය- සිකුරාදා
වෘශ්චික
වියදම් ඉහළයි
ලග්නාධිපති කුජ දිග්බලයි. රවි දිග්බලයි. බුධ සිකුරු සමඟයි. ශනි, කේතු 2 ද, රාහු 8 ගමන් කරයි. එම ග්‍රහ ගෝචරය ගැන සැලකීමේ දීමේ සතිය තුළ යම් යම් බාධා අවහිරතා මධ්‍යයේ ක්‍රියා කිරීමට සිදු වේ.
උසස් නිලධාරීන් සමඟ කටයුතු කිරීමේ දී සැලකිලිමත් විය යුතුයි. නොඑසේ නම් ආකූලතා ව්‍යාකූලතා ඉස්මතු වනු ඇත. මිල මුදල් ලැබුණ ද වියදම් පක්ෂය ඉහළ යයි.
ගෙදරදොර කටයුතු මෙන්ම යුගදිවිය සම්බන්ධ කටයුතුවල දී කල්පනාකාරීව ක්‍රියා කළ යුතුයි. නොඑසේ නම් සමඟියට සාමයට බාධා එල්ල වනු ඇත. දරුවන්ගේ කටයුතු උදෙසා කාලයත් ධනයත් ශ්‍රමයත් වැය වේ. අධ්‍යාපන අංශවල යෙදී සිටින අයට ශුභයි. උත්සාහය තුළ සාර්ථක ප්‍රතිඵල ලබයි. තමාගේ ශරීර සෞඛ්‍යය ගැන ප්‍රවේසම් වන්න.
ජය වර්ණය- රතු, අංකය- 09, දිනය- බ්‍රහස්පතින්දා
ධනු
සමපලයි
ලග්නාධිපති ගුරු 12 ද, ශනි, කේතු ලග්නයේ ද, රාහු 7 ද රවි, කුජ, බුධ, සිකුරු 9 ද ගමන් ගනී. එම ග්‍රහ ගෝචරය සැලකීමේ දී වෘත්තීය සහ රැකීරක්ෂා කටයුතු කරගෙන යෑමේ දී තරමක් කල්පනාකාරී වන්න. ඉවසීමෙන් ද බුද්ධිමත්ව ද ක්‍රියා කළ යුතුයි. සතුරු වියවුල්වලට පැටලීමට සිදු වේ. මිල මුදල් ලැබීම අතින් යහපත් වුව ද වියදම් පක්ෂය කෙරෙහි ද අවධානය යොමු කරන්න.
ගෙදරදොර කටයුතු ද දරුවන්ගේ කටයුතු ද ක්‍රමයෙන් යහපත්ය. දියුණුවක් ලබයි. දරුවන්ගේ කටයුතුවල දී අවධානය යොමු කළ යුතුයි. අධ්‍යාපන කටයුතුවල යෙදී සිටින අයට සිය උත්සාහයෙන් ප්‍රතිඵල ලබාගත හැකිය. උෂ්ණාධික රෝග, බඩවැල් ආශ්‍රිත රෝගාදියෙන් ප්‍රවේසම් වන්න.
ජය වර්ණය- රන්වන්, අංකය- 03, දිනය- බ්‍රහස්පතින්දා
මකර
අනුන්ගෙන් උදව් උපකාර
ලග්නාධිපති ශනි, කේතු සමග 12 ද, රාහු 6 ද, රවි, කුජ, බුධ, සිකුරු අටේ ද, ගුරු 11 ද ගමන් කරයි. එම ග්‍රහ ගෝචරය ගැන සැලකීමේ දී වෘත්තීය සහ රැකියා ක්ෂේත්‍රයේ දී අන්‍යයන්ගේ ආධාරය උපකාරය ලැබීම තුළ තමාගේ කටයුතු එක්තරා ප්‍රමාණයකට සාර්ථක වේ. ආර්ථික වශයෙන් යහපත්ය. විවිධ අංශයන්ට යොමු වීමෙන් ආර්ථික වාසි ලැබිය හැකිය.
ගෙදරදොර කටයුතු මෙන්ම යුගදිවිය සම්බන්ධ කටයුතු යහපත්ය. සමඟිය සාමය සුරක්ෂිත වේ. දරුවන්ගේ කටයුතුවල දියුණුවක් ලබයි. අධ්‍යාපන කටයුතුවල යෙදී සිටින අයට විවිධ ක්ෂේත්‍රයන්ට යොමු වී කටයුතු කළ හැකිය. රුධිර පීඩනය, බඩවැල් ආශ්‍රිත රෝගාදියෙන් ද ප්‍රවේසම් විය යුතුයි.
ජය වර්ණය- නිල්, අංකය- 08, දිනය- සෙනසුරාදා
කුම්භ
වෙහෙසකර සතියක්
ලග්නාධිපති ශනි, කේතු සමග 11 ද, රාහු 5 ද, රවි, කුජ, බුධ, සිකුරු හතේ ද, ගුරු 10 ද ගමන් ගනී. එම ග්‍රහ ගෝචරය ගැන සැලකීමේ දී දියුණුවීමට ගන්නා වූ අධික උත්සාහයන්ගේ ප්‍රතිඵල නොලැබේ. ඔබ බලාපොරොත්තු වන තරමට නොවේ. ආර්ථික සහ මූල්‍යමය වශයෙන් ශුභදායක වේ. ආදායම් ලැබුණ ද වියදම් අධික වේ. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී වෙහෙස මහන්සි වී තම කටයුතු කිරීමට සිදු වීම තුළ ශරීරයට තද වෙහෙසකාරී බවක් පෙන්වයි. දරුවන්ගේ කටයුතු යහපත්ය. එහෙත් ඔවුන් වෙනුවෙන් වෙහෙස වීමට සිදු වේ. අධ්‍යාපන අංශවල යෙදී සිටින අයට සිය උත්සාහය තුළ සාර්ථක ප්‍රතිඵල ලැබිය හැකිය. උෂ්ණාධික රෝග, වෛරස් රෝග, ලේ දූෂ්‍යාබාධ ආදියෙන් ප්‍රවේසම් වන්න.
ජය වර්ණය- නිල්, අංකය- 08, දිනය- සෙනසුරාදා
මීන
මුදල් කටයුතු ප්‍රවේසමෙන්
ලග්නාධිපති ගුරු භාග්‍යස්ථානයේය. ශනි, කේතු සයවැන්නේය. රවි, කුජ, බුධ, සිකුරු හයේ සිටී. එම ග්‍රහ චලිතය සැලකීමේ දී වෘත්තීය සහ රැකිය අංශවල දී සුළු බාධා අවහිරතා ඉස්මතු වුව ද සිය උත්සාහය සහ කැප වීමෙන් සාර්ථක ප්‍රතිඵල ලබාගනී. ආදායම් පක්ෂය සාමාන්‍ය වේ. වියදම් පක්ෂය ද ඒ සමානව ඉහළ යන නිසා මිල මුදල් සම්බන්ධ කටයුතුවල දී ප්‍රවේසම් විය යුතුයි. ගෙදරදොර කටයුතු යහපත්ය.
සමඟිය සාමය සුරක්ෂිත වේ. දරුවන්ගේ කටයුතු උදෙසා කාලයත් ධනයත් ශ්‍රමයත් වැය වේ. ඉගෙනීමේ කටයුතුවල යෙදී සිටින අයට සිය උත්සාහය තුළ සාර්ථක ප්‍රතිඵල ලැබිය හැකිය. ස්නායු ආබාධ, නහර දුර්වලතා හන්දිපත් වේදනා යනාදියෙන් ප්‍රවේසම් වන්න.
ජය වර්ණය- රන්වන්, අංකය- 03, දිනය- බ්‍රහස්පතින්දා
