මේෂ
ශුභයි
ලග්නාධිපති කුජ දිග්බලව උච්චව දසවැන්නේ ද රවි ස්වක්ෂේත්‍රව පූර්ව පුණ්‍යස්ථානයේ ද සිටින අතර ගුරු හතේ සිට ලග්නය දකී. මේ කාල සීමාවේ ශුභඵල වැඩියෙන් දෙයි. තමා රාජකාරි කරන ස්ථානයේ දී නුවණින් සහ බුද්ධිමත්ව ක්‍රියා කළහොත් වෘත්තීය වශයෙන් සැලකිය යුතු තත්ත්වයක් හිමිකර ගත හැක. ධනස්ථානාධිපති සිකුරු 6 ද, ශනි නවයේ ද සිටී. ආර්ථික තත්ත්වය ශක්තිමත්ය. සමගිය සාමය සුරක්ෂිත වේ.
ජය වර්ණය - රතු, අංකය - 09, දිනය - සඳුදා
කටක
ශුභා’ශුභ මිශ්‍රයි
චන්ද්‍රයා කුම්භ රාශියේ ද ගුරු 4 වැන්නේ ද රාහු ලග්නයේ ද සිටිමින් සතිය ආරම්භ වේ. වෘත්තීය සහ රැකීරක්ෂා කටයුතුවලදී අන්‍යයන්ගේ සහයෝගය අපේක්ෂිත අන්දමින් නොලැබේ. ආදායම් ලැබීම් හොඳය. වියදම් පක්ෂය ඉහළ යයි. අධ්‍යාපන කටයුතුවල යෙදී සිටින අයට ස්වකීය උත්සාහය සහ කැපවීමෙන් සාර්ථක ප්‍රතිඵල ලැබිය හැක. සෙම් පීඩා, හිසරදය, පීනස් ගති, උෂ්ණාධික සහ ලේ දූෂ්‍යාබාධ යනාදියට ඉඩ ඇත.
ජය වර්ණය - ක්‍රීම් පාට, අංකය - 02, දිනය - සඳුදා
තුලා
මිශ්‍රපලයි
ලග්නාධිපති 12 සිටී. රවි අයස්ථානයේ බලවත්ය. මෙම කාල සීමාව එතරම්ම ශුභදායක නොවේ. බාධා අවහිර ඉස්මතු කරයි. ඉවසීමෙන් ද බුද්ධිමත්ව ද ක්‍රියා කළ යුතුයි. ආර්ථික සහ මූල්‍යමය වශයෙන් යහපත්ය. වෙළෙඳ ව්‍යාපාරවල යෙදී සිටින අයට ශුභයි. වාසි ගෙන දේ. ගෙදරදොර සමගිය සාමය සුරක්ෂිත වේ. තමාගේ ශරීර සෞඛ්‍ය ගැන පරෙස්සම් වන්න.
ජය වර්ණය - නිල්, අංකය - 06, දිනය - සිකුරාදා
මකර
දියුණුවක් ලබයි
ලග්නාධිපති ශනි වක්‍රව දොළොස්වැන්නේය. අඟහරු ලග්නයේ උච්චයි. කේතු සමගයි. ගුරු දහයේ සිටී. මෙම පිහිටීම් තුළ වෘත්තීය සහ රැකීරක්ෂා කටයුතුවල දී සුළු සුළු බාධා අවහිරතා ඉස්මතු වන නිසා තරමක් විමසිලිමත්ව ද බුද්ධිමත්ව ද ක්‍රියා කළ යුතයි. ආර්ථික වශයෙන් යහපත්ය. විවිධ ක්ෂේත්‍රයන්ට යොමුවීම තුළ ආදායම් වර්ධනය කළ හැක. වෙළෙඳ ව්‍යාපාරවල යෙදී සිටින අයට විවිධ අංශයන්ට යොමුවීම තුළ ආර්ථික වාසි ලබයි.
ජය වර්ණය - නිල්, අංකය - 06, දිනය - සිකුරාදා
වෘෂභ
සාර්ථකයි
ලග්නාධිපති සිකුරු පූර්ව පුණ්‍යස්ථානයේ සිටිය දී සතිය ආරම්භ වේ. කුජ නවයේ උච්චයි. සඳු දහයේය. වෘත්තීය සහ රැකියා කටයුතු යහපත්ය. මිල මුදල් ලැබේ. ගෙදරදොර කටයුතු කරගෙන යෑමේ දී සමගියට හා සාමයට බාධා එල්ල නොවේ.
දුර බැහැර ගමන් කිහිපයක් යෙදේ. තම ශරීර සෞඛ්‍යය ගැන පරෙස්සම් වන්න.
ජය වර්ණය - නිල්, අංකය - 06, දිනය - සිකුරාදා
සිංහ
වාසි
ලග්නාධිපති රවි ලග්නයේ ස්වකේෂ්ත්‍රව සිටියදී සතිය ආරම්භ වේ. සිකුරු දෙකේ ද ගුරු 3 ද සිටී. මිල මුදල් ලැබීම අතින් ශුභයි. වෙළෙඳ ව්‍යාපාරවල යෙදී සිටින අයට වාසි සහගත තත්ත්වයක් උදා කරයි. ආර්ථික වාසි ගෙන දේ. ගෙදරදොර කටයුතු සාමාන්‍යයි. දරුවන්ගේ කටයුතු ගැන සැලකිලිමත් වන්න. ප්‍රේම සම්බන්ධතා ඇති වේ. උත්සවවලට සහභාගි වීමට අවස්ථාව සැලසේ. උසස් අයගේ සහාය ලැබේ.
ජය වර්ණය - රෝස, අංකය - 01, දිනය - ඉරිදා
වෘශ්චික
සමපල
ලග්නාධිපති අඟහරු තුන්වැන්නේ උච්චව කේතු සමඟ සිටී. ගුරු 12 සිටී. වෘත්තීය සහ රැකීරක්ෂා කටයුතුවලදී බලාපොරොත්තු වන තරමට සාර්ථක ප්‍රතිඵල නොලැබෙන නිසා බුද්ධිමත්ව ක්‍රියා කළ යුතුයි. මිල මුදල් ලැබීම අතින් අයහපත් නොවුවද වියදම් පක්ෂය පාලනය කිරීම තරමක් අසීරු වන නිසා මිල මුදල් සම්බන්ධ කටයුතුවල දී පරෙස්සම් වන්න. අලූත් විෂයයන් ඉගෙනීමට අවස්ථාව සැලසේ.
ජය වර්ණය - රතු, අංකය - 09, දිනය - බ්‍රහස්පතින්දා
කුම්භ
සාර්ථක වේ
ලග්නාධිපති ශනි අයස්ථානයේය. ගුරු නවවැන්නේය. මෙම පිහිටීම් තුළ බලාපොරොත්තු කිහිපයක්ම ඉෂ්ට සිද්ධ වේ. වෘත්තීය සහ රැකියා කටයුතු කරගෙන යාමේ දී බාධා අවහිරතා ඉස්මතු වුව ද ස්වකීය උත්සාහය තුළ සාර්ථක ප්‍රතිඵල ලබයි.
ආර්ථික වශයෙන් ද අයහපත් නැත. තමාගේ ශරීර සෞඛ්‍යය ගැන කල්පනාකාරී වන්න.
ජය වර්ණය - නිල්, අංකය - 08, දිනය - සිකුරාදා
මිථුන
මිශ්‍රපලයි
ලග්නාධිපති බුධ රාහු සමග දෙවැන්නේ සිටී. සිකුරු ද ගුරු පූර්ව පුණ්‍යස්ථානයේය. තැන්පත් ධනය හානිවීම් හාවියදම් අධිකවීම් පෙන්වයි. ගෙදරදොර කටයුතු කරගෙන යාමේ දී ඉවසීත්මන් ද බුද්ධිමත්ව ද ක්‍රියා කළ යුතුයි.
දරුවන්ගේ කටයුතු යහපත්ය. දියුණුවක් ලබයි. උගුර, බෙල්ල ආශ්‍රිත රෝග, ලේ දූෂ්‍යාබාධවලට ඉඩ මතු කළ හැක.
ජය වර්ණය - කොළ, අංකය - 05, දිනය - බදාදා
කන්‍යා
ගෞරව සැලකිලි ලැබේ
ලග්නාධිපති බුධ රාහු සමග අයස්ථානයේ සිටියදී සතිය ඇරඹේ. සෑම අතින්ම දියුණුවට අදාළ කටයුතු ඉස්මතු කළ හැක. ගරු සැලකිලි ලැබේ. සිතට සැනසීම සතුට ලැබෙනවා ඇත. අලූත් හිත මිතුර ආශ්‍රයට ලැබේ. ගෙදරදොර කටයුතු යහපත්ය. ඉගෙනීමේ ආශාව වැඩි වේ. ශාස්ත්‍රාරම්භයට යහපත් කාලයකි. තම වාසියට කතා කිරීමට ඉඩ ලැබේ. වචනයේ බලය පෙන්වීමට ඉඩ සැලසේ.
ජය වර්ණය - කොළ, අංකය - 05, දිනය - බදාදා
ධනු
බාධා අවහිරතා
ලග්නාධිපති ගුරු අයස්ථානයේය. සෙනසරු ලග්නයේ ද ගෝචරය වීම තුළ සාර්ථක ප්‍රතිඵල ලැබෙන නමුත් විටින් විට බාධා අවහිරතා ගැටලූකාරී ගති මතු වනු ඇත.
බුද්ධිමත්ව ද විමසිලිමත්ව ද ක්‍රියා කරන්න. මිල මුදල් ලැබීම අතින් යහපත් වුව ද ඔබට මුදල් ඉතිරිකර ගැනීම අපහසු වේ. වෘත්තීය කටයුතුවල දී සැලකිලිමත් වන්න. තම ශරීර සෞඛ්‍යය ගැන පරෙස්සම් වන්න.
ජය වර්ණය - රන්වන්, අංකය - 03, දිනය - බ්‍රහස්පතින්දා
මීන
මිශ්‍රපලයි
ලග්නාධිපති ගුරු අටවැන්නේ සිටියදී සතිය ආරම්භ වේ. ග්‍රහ ගෝචරයන් තුළ තමාගේ කටයුතුවලට බාධා අවහිරතා ගැටලූ උද්ගත වන බැවින් තරමක් කල්පනාකාරීව ද බුද්ධිමත්ව ද ක්‍රියා කළ යුතුයි. නොඑසේ නම් ආකූලතා ඉස්මතු වේ.
උසස් නිලධාරීන් සමග කටයුතුවල යෙදීමේ දී ඉතාමත් බුද්ධිමත් වන්න. මිල මුදල් ලැබීම අතින් අයහපත් නොවේ. නමුත් මුදල් ඉතිරිකර ගැනීම අසීරුය.
ජය වර්ණය- රන්වන්, අංකය- 03, දිනය- බ්‍රහස්පතින්දා
