අතිශය ජනප්‍රිය, ඒ වගේම ආකර්ෂණීය ඇඳුමක් මෙන්ම විලාසිතාවක් තමයි ඩෙනිම් කියන්නේ. මේ කියන ඩෙනිම් වයස් භේදයකින් තොරව කවුරුත් අදින්නට ප්‍රිය ඇඳුම් වර්ගයක් ලෙස හදුන්වා දීමට පුළුවන්. ඩෙනිම්වල ඉතිහාස කතාව 1873 වසර දක්වාම දිව යනවා. ඒ අනුව ඉතාලියේ ජෙනුවාහි උපන් ජාකොබ් ඩේවිස් සහ ලෙවි ස්ට්‍රෝස් මේ අපූරු ඇඳුම නිර්මාණය කළේ ‘ඩෙනිම්’ හෝ ‘ඩන්ගරී’ ලෙස හඳුන්වනු ලබන රෙද්දකින්. එදා එලෙස බිහි වුණු ඩෙනිම අද වෙද්දී කිසිම සීමාවක් මායිමක් නැතිව ලෝකයේ විවිධ රටවලට ව්‍යාප්ත වෙලා තිබෙනවා.
එපමණක් නොව, ස්ත්‍රී-පුරුෂ, බාල-මහලු භේදයකින් තොරව සෑම-සියලු දෙනකුම ඩෙනිමක් අඳින්නට පසුබට වන්නේ නැහැ. මුල් කාලයේ වෙහෙසී බර වැඩ කරන මිනිස්සුන් වෙනුවෙන් නිමැවුණත්, පසුකාලීනව ඩෙනිම් අඳින්නේ හිතුවක්කාරයන්, සාම්ප්‍රදායික රාමුවෙන් පිට හිතන්නන් මට්ටමට පත් වුණා. කොටින්ම ඩෙනිම් යනු විලාසිතා ප්‍රවණතා සකසන්ගේ ඇඳුමක් බවට පත් වුණා. 1851න් පසු ලොව විවිධ රටවලට ඩෙනිම සංක්‍රමණය වුණා.
අපේ රටේ බොහෝ පිරිස් අතරද මේ වන විට මේ ඩෙනිම් ඉතා ජනප්‍රිය ඇඳුම් විශේෂයක් බවට පත්ව තිබෙනවා. ඒ ජනප්‍රියත්වයට ප්‍රධාන හේතුවක් වී තිබෙන්නේ ඇඳුම් ගැන අලුතෙන් හිතන සරල බවට කැමැති මිනිස්සුන්ගේ ට්‍රෙන්ඩ් එකක් ලෙස ඩෙනිම් ඇඳුම් ඉස්මතු වී තිබීම නිසයි. 
මේ වන විට ඩෙනිම් ඇඳුම් සඳහාම විශේෂිත ආයතනයක් ලෙස ‘නයින්ටීන් සෙවන්ටිවන්’ (1971 Denim shop) ප්‍රදර්ශනාගාරය මෙරට ජනතාව අතර ආදරය දිනා තිබෙනවා. මේ ඩෙනිම් අලෙවි සල පිහිටා තිබෙන්නේ අංක 533 ඩී, නුවර පාර, හොරගොල්ල, නිට්ටඹුව ලිපිනයේ, කොළඹ ඉඳලා එන විට පොල් ‘අතු බත් කඩේ’ පසු කොට මීටර් 75ක් ඉදිරියෙන් වම්පසට වෙන්නයි. නුවර සිට එද්දී හොරගොල්ලේ බණ්ඩාරනායක සමාධිය පහු කර මීටර් 100ක් ඉදිරියෙන් පාරේ දකුණු පැත්තේයි. මෙහි කාන්තා හා පිරිමි ඩෙනිම් කලිසම්, කමිස, ගවුම් ඇතුළු නිමැවුම් විවිධ මිල ගණන් යටතේ අලෙවියට තිබෙනවා. ‘ස්ටොක් ලොට්ස්’ හෙවත් ‘ෆැක්‍ට්‍රි ඩිෆෙක්ට්ස්’ ලෙස හඳුන්වන මේ ඩෙනිම් ඔරිජිනල් තත්ත්වයෙන් නමුත් ලේබලය රහිතවයි අලෙවියට තබා ඇත්තේ. මේ නිසාම ලේබලය සහිතව රුපියල් 7,500කට වැඩි මිලකට අලෙවි වන විවිධ ඩෙනිම් ඇඳුම් රු. 500 සිට 3,000 අතර මිල ගණන් යටතේ මිලට ගැනීමේ සුවිශේෂ වාසිය ඔබට හිමි වනවා. මේ ඩෙනිම් සාප්පුවේ අයිතිකාරිය කවින්ධ්‍යා ජයසේකර. ඇය නිතර අලුත් වන ඩෙනිම් හා එම විලාසිතා ගැන ඉතා හොඳ අවබෝධයක් ඇති ව්‍යවසායිකාවක්. එමෙන්ම ඇය මාධ්‍ය ලෝකය සමඟ ඉතා සමීප කාව්‍ය රචිකාවක්. තම ව්‍යාපාරය ගැන කවින්ධ්‍යා අප සමඟ මෙසේ පැවසුවා:
“මම පෞද්ගලිකව ඩෙනිම්වලින් කරන්න පුළුවන් ගොඩක් වැඩ ගැන සැලසුම් කරමින් ඉන්නෙ. අද වෙද්දි ලංකාවේ තරුණ තරුණියො ප්ලෑන් කරන්නෙ විවාහ ‘ජීවිතය’ නෙවෙයි, ‘වෙඩින්එක’ යි! ඒ තත්ත්වය වෙනස් කිරීමේ ආරම්භයක් හැටියට ඩෙනිම්වලින් මංගල ඇඳුමක් නිර්මාණය කිරීමටත් මා බලාපොරොත්තු වෙනවා. ඇත්ත වශයෙන්ම ඩෙනිම් මංගල ඇඳුමට වගෙම මෘතදේහයට අන්දවන්න වුණත් පුළුවන් තරමට ප්‍රචලිත කිරීමට මා කටයුතු යොදනවා.”
වැඩිදුරටත් අදහස් දක්වමින් කෙටි කලක් තුළ තම නයින්ටීන් සෙවන්ටිවන් ඩෙනිම් අලෙවිසල ලද ප්‍රගතිය පිළිබඳ අදහස් දැක්වූ ඈ පැවසුවේ තම ප්‍රදර්ශනාගාරයේ කළමනාකාරිනිය චමිලා මාරසිංහ නයින්ටීන් සෙවන්ටිවන් හි දියුණුවේ ප්‍රධාන සාධකයක් බවයි.
දිරියෙන් ඉදිරියට යන කවින්ධ්‍යා ජයසේකර නම් වන මේ නිර්මාණශීලී ව්‍යවසායිකාව වැඩිදුරටත් සඳහන් කළේ තම ඇඳුම් සාප්පුව වැනි සාමාන්‍ය මට්ටමේ ව්‍යාපාරවල දියුණුවට බැංකු හා මූල්‍ය ආයතනවල සහාය මීට වඩා හිමි වේ නම් රටේ ආර්ථිකයද මීටත් වඩා ශක්තිමත් වනු ඇති බවයි.
ඉදිරියේදී ඩෙනිම් නැවත නැවතත් භාවිත කළ හැකි සේ ප්‍රතිචක්‍රීකරණය කිරීමේ තවත් අලුත් වැඩකට අතගැසීමටද සූදානම් වන ඇය අඩු මුදලකට හොඳ ප්‍රමිතියේ ඩෙනිම් මිල දී ගැනීමට තම ඇඳුම් සාප්පුවට ගොඩ වන්නැයි ද වැඩි විස්තර සඳහා දුරකතන අංක 0777204684 ට අමතන මෙන් ජනතාවගෙන් ඉල්ලීමක් ද කළා.
• සටහන සහ ඡායාරූප - ටෙනිසන් එදිරිසිංහ
