2025 වන විට නැවත භාවිතා කළ නොහැකි පොලිතින් බෑග් ප්‍රමාණය 50%කින් අවම කිරීමට කීල්ස් 2019 ජූලි මාසයේදී පොරොන්දු විය. පසුගිය මාස 06 තුළ හොඳ ප්‍රතිඵල අත්කර ගත් අතර මේ වන විට පාරිභෝගිකයින් 50,000කට වැඩි ප්‍රමාණයක් තමන්ගේ බෑග් රැගෙන එමට පියවර ගෙන තිබේ. 2020 ජනවාරි මාසයේදී නැවුම් එළවළු හා පලතුරු අංශය සඳහා කොම්පෝස්ට් කළ හැකි බෑග්, සහල්, පරිප්පු සහ ධාන්‍ය වර්ග වැනි අත්‍යවශ්‍ය තොග මිලදී ගැනීම් සඳහා නැවත භාවිතා කළ හැකි බෑග් බේකරි නිෂ්පාදන සඳහා ඔබේම ඇසුරුම් රැගෙන ඒම හඳුන්වා දීම සිදු කරන ලදී.
තමන් විසින්ම ගෙන ආ බෑග් භාවිතා කිරීම හා සැලකිය යුතු පාරිභෝගිකයන් සංඛ්‍යාවක් මස් හා මාළු මිලදී ගැනීම් සඳහා තමන්ගේම බහාලුම් ගෙන එනු ලැබීම දක්නට ලැබුණි. පොලිතින් භාවිතය අවම කිරීම සඳහා පාරිභෝගිකයන්ගෙන් ලැබුණු හොඳ ප්‍රතිචාර හා අඛණ්ඩ දිරිගැන්වීම් හේතුවෙන් වෙ‍ෙළඳ සල්වල නැවත භාවිතා කළ නොහැකි පොලිතින් භාවිතය අවම කිරීමේ ගමනේ දෙවන අදියර කරා යාමට කීල්ස් හට උපකාරී වී තිබේ. මෙසේ ගත් පියවර අතරට කීල්ස් පාරිභෝගිකයින් මෙන්ම කණ්ඩායමේ සාමාජිකයින් ද පොලිතීන් භාවිතය අවම කිරීමට ගත හැකි ආකාර ගැන දැනුවත් කිරීමට ද කටයුතු යොදා ඇත. මස් සහ මාළුවලට අමතරව එළවළු සහ පලතුරු අංශයේ මිලදීගැනීම් සඳහාත් කොම්පෝස්ට් කළ හැකි බෑග් නවතම හැඳින්වීම් අතරට ඇතුළත් වේ. මේ සියලු පියවර නිසා, නැවත භාවිතා කළ නොහැකි පොලිතින් බෑග් භාවිතය 35%කින් අඩු කිරීමට හැකි වී ඇත. 2019 ජූලි මාසයේදී හඳුන්වා දුන් මස්, මාළු මිලදී ගැනීම් සඳහා ඔබේම ඇසුරුම් ගෙන ඒමේ සංකල්පය දැන් බේකරි නිෂ්පාදන සඳහාත් දියත් කර ඇත. සහල්, පරිප්පු සහ ධාන්‍ය වර්ග වැනි අත්‍යවශ්‍ය දෑ රැගෙන යාම සඳහා අලුතින්ම හඳුන්වා දුන් නැවත භාවිතා කළ හැකි රෙදි බෑග් ඇතුළුව සිල්ලර බඩු සහ ගෘහ භාණ්ඩ සඳහා “Wallet bag” ලෙස නම් කර ඇති පහසුවෙන් හැකිලිය හැකි බෑග්/ඇසුරුමක් ද කීල්ස් සිය පාරිභෝගිකයින්ට පොලිතින් භාවිතය අවම කිරීමට දැන් විකල්ප ලෙස ඉදිරිපත් කර ඇත.
