ඩයලොග් ආසිආටා, දේශීය කිරි ගොවීන්ගේ කිරි නිෂ්පාදන ධාරිතාව වර්ධනය කරගැනීම, නිෂ්පාදනය කරන කිරිවල ප්රමිතිය ඉහළ නැංවීම සහ පශු සම්පතෙහි සෞඛ්යය ඉහළ නැංවීමට ඉවහල් වන ‘සවිය’ නම් ජංගම උපදේශන සේවාව හඳුන්වාදෙන ලදී.
වෙළඳපොළ කේන්ද්ර කරගත් කිරි නිෂ්පාදන ව්යාපෘතිය මඟින් කිරි ගොවියන්ට සහ ඒ හා සම්බන්ධ ව්යවසායන්ට සහාය වන International Executive Service Corps (IESC) ආයතනය සමඟ සහයෝගීත්වයෙන් එම සේවාව සැපයෙන අතර, එම ව්යාපෘතිය සඳහා මූල්ය අනුග්රහය දක්වන්නේ ඇමරිකා එක්සත් ජනපද කෘෂිකර්ම දෙපාර්තමේන්තුවේ ‘Food for Progress’ ව්යාපෘතියයි. එම ජංගම උපදේශන සේවාවේ කිරි නිෂ්පාදනයට අදාළ තාක්ෂණික දැනුම පිළිබඳ පණිවිඩ සඳහා සහාය දක්වන්නේ වෙෙළඳපොළ කේන්ද්ර කරගත් කිරි නිෂ්පාදන ව්යාපෘතිය පිළිබඳ විෂය දැනුම ඇති විශේෂඳ පිරිසකි.
කිරි, ශ්රී ලංකාවේ පශු සම්පත් කර්මාන්තයේ වැදගත් අංගයක්ව තිබියදී මෙරට නැවුම් කිරි සඳහා දිනෙන් දිනම වර්ධනය වන ඉල්ලුමෙන් දේශීයව සම්පූර්ණ වන්නේ 30-40% ක ප්රමාණයක් පමණයි. ව්යාපෘතියේ අරමුණ වන්නේ 5,000කට අධික කිරි ගොවියන් පිරිසකගේ දේශීය කිරි නිෂ්පාදන ධාරිතාවේ ප්රමාණය සහ ප්රමිතිය ඉහළ නැංවීමයි.