විද්‍යා තාක්ෂණ හා පර්යේෂණ අමාත්‍යංශය මගින් සංවිධානය කළ ශිල්ප සේනා තාක්ෂණ ප්‍රදර්ශනයේදී ජනතාව සාමාන්‍ය රක්ෂණය පිළිබඳව දැනුවත් කිරීමට පීපල්ස් ඉන්ෂුවරන්ස් ආයතනය විසින් විශේෂ වැඩසටහනක් ක්‍රියාත්මක කරන ලදි. සැප්තැම්බර් 25 වනදා සිට 29 දක්වා, ශිල්ප සේනා තාක්ෂණ ප්‍රදර්ශනය පොළොන්නරුව, කඳුරුවෙල ජාතික ක්‍රීඩාංගනයේදී පැවැත්විය. මෙවර එහි තේමාව වූයේ “සවිමත් දෑතින්- පොහොසත් රටක්” යන්නයි.
මෙම ප්‍රදර්ශනයේදී සාමාන්‍ය රක්ෂණයේ වැදගත්කම පිළිබඳව සහ පීපල්ස් ඉන්ෂුවරන්ස් ආයතනය ලබා දෙන රක්ෂණ සේවා සහ පහසුකම් පිළිබඳව ජනතාවට අවබෝධයක් ලබා දීම සඳහා ආයතනයේ නියෝජිතයන් ප්‍රදර්ශනය පැවති දිනයන් මුළුල්ලේ කටයුතූ කරන ලදි.
මෝටර් රථ, දේපළ, සංචාරක සහ මුහුදු රක්ෂණ ඇතුළුව පුද්ගලයන්ට සහ සමාගම්වලට පීපල්ස් ඉන්ෂුවරන්ස් පීඑල්සී පුළුල් පරාසයක සාමාන්‍ය රක්ෂණ සේවාවන් ලබා දෙයි. අද වන විට සමාගමට විශාල ගනුදෙනුකාර පදනමක් ඇති අතර එහි වාර්ෂික වාරික ආදායම රු. බිලියන 5.5 ඉක්මවයි.
