ඇලුමිනියම් අපද්‍රව්‍ය යොදා පෙහෙකම් කර්මාන්තයේ අපජලය පිරියම් කිරීම සදහා විප්ලවකාරී අපජලය පිරියම් කිරීමේ තාක්ෂණයක් ශ්‍රී ලංකාවේ නිපදවා තිබේ. මෙම නව ක්‍රමවේදය තිරසාර සංවෘත ක්‍රමවේදයක් වන අතර, එතුලින් ඇලුමිනියම් විද්‍යුත් විච්චේදනයට ලක් කිරීමේදී නිපදවන අපද්‍රව්‍ය ඉතා නිර්මාණශීලී ලෙස පෙහෙකම් කර්මාන්තයේ අපජලය පිරියම් කිරීම සඳහා යොදා ගනු ලැබේ. අපජලය පිරියම් කිරීම අවසානයේදී ඇති වන අපද්‍රව්‍ය, පරිසර හිතකර ලෙස ගඩොල් බවට පත් කරනු ලබයි. මෙම ක්‍රමවේදය MAS Fabric Park තුල ක්‍රියාත්මක කිරීම සඳහා MAS හෝල්ඩින්ස්හි නවෝත්පාදන අංශය වන MAS Innovations සහ කොළඹ විශ්ව විද්‍යාලයේ Colombo Science and Technology Cell විසින් මෑතකදී ගිවිසුමක් අත්සන් කරන ලදී. මේ නව සොයා ගැනීම සඳහා Colombo Science and Technology Cell හා MAS පර්යේෂණ කණ්ඩායම් විසින් එක්ව පරීක්ෂණ සිදු කරන ලද අතර, MAS Twinery විසින් ඒ සඳහා මුදල් ආයෝජනය කරන ලදී.
