ඉන්සි සිමෙන්ති මෙවර ලෝක පරිසර දිනය සමරමින් විචිත්රවත් කොග්ගල කලපුවේ තලතුදූව සහ කුරුළු දූව ආශ්රිතව කඩොලාන පරිසර පද්ධතිය නව්යකරණය කරමින් ප්රතිෂ්ථාපනය කළේය. “හෙලයේ මහා ගත් කර්තෘ” මාටින් වික්රමසිංහයන් රචනා කළ දශක ගණනාවක් පුරා ශ්රී ලාංකීය පාසල් දරුවන් ආස්වාදයෙන් පුරවාලූ “මඩොල් දූව” කෘතියෙහි සඳහන් ස්ථානය ද මෙය වෙයි. සමුද්රීය පාරිසරික ආරක්ෂණ අධිකාරියේ සභාපති රියර් අද්මිරාල් රොහාන් පෙරේරා මහතා, මහවැලි සංවර්ධන අමාත්යංශයේ දකුණු පළාත් ලේකම් විදුර කාරියවසම් මහතා සහ ශ්රී ලංකා ඉන්සි සිමෙන්ති සමාගමේ සභාපති, ප්රධාන විධායක නිලධාරී නන්දන ඒකනායක මහතාගේ ප්රධානත්වයෙන් වැඩසටහන පැවැත්විණි. එසේම මධ්යම පරිසර අධිකාරිය, ශ්රී ලංකා වන සංරක්ෂණ දෙපාර්තමේන්තුව, වනජීවී සාගර සම්පත් සුරැකීමේ මධ්යස්ථානය සහ සමුද්රීය පාරිසරික ආරක්ෂණ අධිකාරියේ ඉහළ නිලධාරීන්ගේ සහයත් හබරාදුව තාක්ෂණ විද්යාලයේ සිසුන්ගේත් ඉන්සි ග්රීන් ක්ලබ් ස්වේච්ඡා සංවිධානයේ සහයත් මෙම වැඩසටහන සාර්ථක කර ගැනීම සඳහා විශාල පිටිවහලක් ලබා දුන්නේය.