බයිසිකලය යනු මිනිසා විසින් සොයා ගන්නා ලද ඉතාම ප්රයෝජනවත් මෙන්ම සෞඛ්යටද ඉතා හිතකර නිර්මාණයකි. මේ නිර්මාණය වඩවඩාත් නිර්මාණශීලී ලෙස යොදා ගනිමින් තම කර්මාන්ත සඳහා යොදා ගන්නා පුවතක් ගෝතමාලාවෙන් වාර්තා වේ.
ගෝතමාලාව යනු මධ්යම ඇමරිකාවේ පිහිටා ඇති ධනවත් නොවන රටකි. එරට ජනතාවගෙන් බහුතරයකට තවමත් විදුලි බලය හෝ නැත. එබැවින් තම නිෂ්පාදන කර්මාන්ත සඳහා යන්ත්ර සූත්ර භාවිතය ඔවුන්ට සිහිනයක් වී තිබේ. එහෙත් එම සිහිලය වඩා සරලව සහ සුන්දරව දැකීමට හැකියාව ලැබූ මිනිසුන් නිසා මේ වන විට ගෝතමාලාව ලෝක ප්රසිද්ධ වී තිබේ. ඒ බයිසිකල් යන්ත්ර සූත්ර බවට පත් කිරීම හේතුවෙනි.
බයිසිකලය හෙවත් පාද බලය යොදා රෝද කරකැවීමෙන් බලශක්තිය උත්පාදනය කරගෙන ඒ ඔස්සේ කර්මාන්ත සිදුකරන මිනිසුන් ගෝතමාලාවේ සුලබය. ඔවුන් ඒ ඔස්සේ නිපදවා ඇති යන්ත්ර ප්රමාණය අති විශාලය. උදාහරණ ලෙස එරට දේශීය ශාක භාවිතයෙන් ෂැම්පෝ සහ සබන් වර්ග නිෂ්පාදනය කරන යන්ත්ර, සාමාන්ය ගෘහස්ථ බ්ලෙන්ඩර් ක්රියාත්මක කිරීම, වතුර පොම්ප කර ගැනීම, කොපි ඇට කුඩු කිරීම යනාදී මෙකී නොකී යන්ත්ර රාශියක් ගෝතමාලාවේ මිනිසුන් බයසිකල් ආධාරයෙන් නිර්මාණය කර තිබේ.
මෙහි වඩාත් ආකර්ෂණීයම පුවත් වන්නේ මේ යන්ත්ර සඳහා විදේශයන්ගෙන්ද ඇණැවුම් ලැබෙමින් පැවතීමයි. මේ යන්ත්ර විදුලි බලය නැති ප්රදේශවල භාවිතයට ඉතා සුදුසු වන අතර එම යන්ත්ර භාවිතයෙන් පරිසර හානියක් සිදුවන්නේද නැත. මේ යන්ත්ර භාවිතය මිනිස් සිරුරටද ඉතා යහපත් වන්නේ බයිසිකල් පැදීම මගින් කැලරි දහනය වන බැවිනි. වැඩ කාර්යක්ෂම වීමට අමතරව ගණන් බලා ඇත්තේ මිනිස් ශ්රමයෙන් ලබා ගන්නා නිෂ්පාදනයට වඩා සියයට 20ක් වැඩි නිෂ්පාදනයක් බයිසිකල් යන්ත්ර යෙදීමෙන් ලබා ගත හැකි බවයි. එමෙන්ම මේ සඳහා විදුලි බිල වැනි අමතර වැය ද නොවීම ලාබ වැඩි වීමට හේතු වේ. භාවිතයද දීර්ඝ කාලීනය.