මේෂ
අලංකාර වස්තු ලැබෙයි
ලග්නාධිපති කුජ, රවි, බුධ, සිකුරු 5 වැන්නේ ද, රාහු 3,කේතු 9, ශනි 9 ද ගමන් කරයි. එම ග්‍රහ ගෝචරය සැලකීමේ දී අලංකාර වස්තු ලැබීම තුළ සිත් ප්‍රීතිය ඇති කරයි. තරුණ තරුණියන් අතර ප්‍රේම සම්බන්ධතා ඇති වේ. අලුත් හිත මිතුරන් හඳුනාගැනීමට ඉඩ සැලසේ. දරුවන්ගේ කටයුතුවල දියුණුවක්, අභිවෘද්ධියක් ලබයි. වෘත්තීය සහ රැකියා අංශවල දී සුළු බාධා ඇතත් තමාගේ වැඩකටයුතු කරගෙන යෑමට ඉඩ සැලසේ. මිල මුදල් ලැබීම අතින් ද යහපත්ය. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී සමඟිය සාමයට බාධා එල්ල නොවේ. අලුත් විෂයයන් කෙරෙහි වැඩි අවධානයක් යොමු වේ. උෂ්ණාධික රෝග, ලේ දූෂ්‍යාබාධ, වෛරස් රෝගාදියෙන් ප්‍රවේසම් වන්න.
ජය වර්ණය- රතු, අංකය- 09, දිනය- සඳුදා
වෘෂභ
නොගැළපෙන අය සමඟ කටයුතු එපා
ලග්නාධිපති සිකුරු, රවි, බුධ, කුජ හතරවැන්නේය. සිකුරු දිග්බලයි. රාහු 2, ශනි, කේතු 8 සිටී. එම ග්‍රහ පිහිටීම් ගැන සැලකීමේ දී කරගෙන යන වැඩකටයුතුවල කිසියම් සාර්ථක ප්‍රතිඵලයක් ලබයි. බාධා අවහිරතා නැත්තේද නොවේ. ඉවසීමෙන් ක්‍රියා කළ යුතුයි. කෙසේ වුවත් තමාට නොගැළපෙන අය සමඟ කටයුතු කිරීමට යෑමෙන් වළකින්න. මිල මුදල් ලැබුණ ද වියදම් පක්ෂය පාලනය කිරීම අසීරු වනු ඇත. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී තරමක් කල්පනාකාරී වන්න. බාධා අවහිරතා එල්ල විය හැකි බැවිනි. ඉගෙනීමේ කටයුතුවල දී සිය උත්සාහය සහ කැපවීම අවශ්‍යයි. දරුවන්ගේ කටයුතු කෙරෙහි කල්පනාකාරී විය යුතුයි. මූත්‍ර දෝෂ, වකුගඩු දෝෂ ආදියෙන් ප්‍රවේසම් විය යුතුයි.
ජය වර්ණය- නිල්, අංකය- 06, දිනය- සිකුරාදා
මිථුන
අලුත් මිත්‍රයන් ඇසුරට ඉඩ
ලග්නාධිපති බුධ, රවි, කුජ, සිකුරු තුන්වැන්නේය. රාහු ලග්නයේ ද ශනි, කේතු 7 ද ගමන් ගනී. එම ග්‍රහ පිහිටීම් තුළ අලුත් මිත්‍රයන් ආශ්‍රය කිරීමට ඉඩ සැලසේ. වෙළෙඳ ව්‍යාපාරවල යෙදී සිටින අයට සිය උත්සාහය සහ කැපවීම තුළ දියුණුවක් ද සාර්ථක ප්‍රතිඵලයක් ද උදා කරගත හැකිය. රැකියා ව්‍යාපාරික අංශවලට අදාළව ගමන්බිමන් ද අධිකයි. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී අවුල් වියවුල් තත්ත්වයන්ගෙන් තොරව ක්‍රියා කිරීමට අවස්ථාව සැලසේ. දරුවන්ගේ කටයුතුවල දියුණුවක් ලබයි. අධ්‍යාපන ක්ෂේත්‍රවල යෙදී සිටින අයට අලූත් විෂයයන් කෙරෙහි අවධානය යොමු කළ හැකිය. වෛරස් රෝග, බෝවන රෝග, ලේ දූෂ්‍යාබාධ, උදරගත පීඩාදියෙන් ප්‍රවේසම් වන්න.
ජය වර්ණය- කොළ, අංකය- 05, දිනය- බදාදා
කටක
රැකියා ක්ෂේත්‍රයේ බාධා
ලග්නාධිපති සඳු හයවැන්නේ ශනි, කේතු සමඟ සිටින අතර රාහු 12 ද, ගුරු 5 ද, රවි, කුජ, බුධ, සිකුරු දෙවැන්නේ ද ගෝචරය වේ. එම ග්‍රහ ගෝචරය සැලකීමේ දී වෘත්තීය සහ රැකියා ක්ෂේත්‍රයේ යම් යම් අවහිරතා බාධා ඉස්මතු කළ හැකිය. ඉවසීමෙන් ද බුද්ධිමත්ව ද ක්‍රියා කළ යුතුයි. මිල මුදල් ලැබීම අතින් තරමක සාර්ථක ප්‍රතිඵලයක් පෙන්නුව ද අනපේක්ෂිත ලෙස වියදම් පක්ෂය ඉහළ යා හැකි නිසා මිල මුදල් සම්බන්ධ කටයුතුවල දී කල්පනාකාරී විය යුතුයි. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී බුද්ධිමත්ව ක්‍රියා කළ යුතුයි. දරුවන්ගේ කටයුතු උදෙසා කාලයත් ධනයත් ශ්‍රමයත් වැය වේ. අධ්‍යාපන අංශවල යෙදී සිටින අයට අලුත් විෂයයන් කෙරෙහි අවධානය යොමු වේ. උෂ්ණාධික රෝග, ඇස්වල දුර්වලතා ඇති කළ හැකිය.
ජය වර්ණය- ක්‍රීම් පාට, අංකය- 02, දිනය- සඳුදා
සිංහ
බාධා මැද දියුණුව
ලග්නාධිපති රවි, යෝගකාරක කුජ, සිකුරු, බුධ ලග්නයේ ද ගුරු 4, රාහු 11, ශනි, කේතු 5 ගමන් කරයි. එම ග්‍රහ ගෝචරය සැලකීමේ දී තමාගේ කටයුතුවලට බාධා එල්ල වුව ද සිය උත්සාහය සහ කැපවීමෙන් වෘත්තීය සහ රැකීරක්ෂා කටයුතුවල සාර්ථක ප්‍රතිඵලයක් උදා කරනු ඇත. විදේශීය සම්බන්ධතා මත කරන කටයුතුවල දී සාර්ථක ප්‍රතිඵලයක් උදා කරනු ඇත. මිල මුදල් ලැබීම අතින් අයහපත් නොවේ. විවිධ අංශයන්ට යොමු වීම තුළ සාර්ථක ප්‍රතිඵල ලබා ගනී. ගෙදරදොර කටයුතුවල දී, යුගදිවිය සම්බන්ධ කටයුතුවල දී තරමක් ඉවසීමෙන් ක්‍රියා කළ යුතුයි. දරුවන්ගේ කටයුතු කෙරෙහි අවධානයෙන් ක්‍රියා කරන්න. ඉගෙනීම්වල යෙදී සිටින අයට පර්යේෂණ කටයුතුවල යෙදීමට පුළුවන. තමාගේ ශරීර සෞඛ්‍යය ගැන කල්පනාකාරී වන්න.
ජය වර්ණය- රතු, අංකය- 07, දිනය- ඉරිදා
කන්‍යා
ව්‍යාපාරවලට ශුභයි
ලග්නාධිපති බුධ, සිකුරු, රවි, කුජ 12 ද, රාහු 10, ශනි, කේතු 04 ද ගුරු 3 ගමන් කරයි. එම ග්‍රහ ගෝචරය සැලකීමේ දී වෘත්තීය සහ රැකීරක්ෂා කටයුතුවල දී යම් යම් බාධා අවහිරතා ඉස්මතු කරයි. අන්‍යයන්ගේ සහයෝගය උපකාරය ලැබීමත් බලාපොරොත්තු වන තරමට සාර්ථක නොවේ. මිල මුදල් ලැබීම අතින් සාමාන්‍යයි. වෙළෙඳ ව්‍යාපාරවල යෙදී සිටින අයට ශුභයි. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී ද සාමාන්‍ය වේ. සමඟිය සාමයට එතරම් බාධා එල්ල නොවේ. දරුවන්ගේ කටයුතුවල කිසියම් සාර්ථක ප්‍රතිඵලයක් ඇති වේ. දියුණුව ලබයි. ඉගෙනීම්වල දී කටයුතුවල සාර්ථක බවක් ලබයි. හෘදගත පීඩා, රුධිර පීඩනය, උෂ්ණාධික රෝග බලපානු ඇත.
ජය වර්ණය- කොළ, අංකය- 05, දිනය- බදාදා
තුලා
දරුවන්ගේ කටයුතුවල දියුණුවක්
ලග්නාධිපති සිකුරු, රවි, කුජ, බුධ 11 ද, රාහු 9, ශනි, කේතු 3 ද, ගුරු 2 ද ගමන් කරයි. එම ග්‍රහ ගෝචරය ගැන සැලකීමේ දී වෘත්තීය සහ රැකීරක්ෂා කටයුතුවල දී තරමක් බාධා ප්‍රමාදතා ඉස්මතු වේ. අන්‍යයන්ගේ සහාය උපකාරය ඔබ බලාපොරොත්තු වන තරමට ඇති නොවේ. විදේශීය සම්බන්ධතා මත කරන කටයුතුවලට ශුභයි. මිල මුදල් ලැබීම අතින් යහපත්ය. වෙළෙඳ ව්‍යාපාරවල යෙදී සිටින අයට වාසි ගෙන දේ. ගෙදරදොර කටයුතු මෙන්ම යුගදිවිය සම්බන්ධ කටයුතුවලදී ද සාමාන්‍ය වේ. දරුවන්ගේ කටයුතුවල කිසියම් දියුණුවක් ලබයි. අධ්‍යාපන අංශවල යෙදී සිටින අයට සිය උත්සාහය තුළ සාර්ථක ප්‍රතිඵල ලබයි. උෂ්ණාධික රෝග, ලේ දූෂ්‍යාබාධ බලපෑ හැකිය.
ජය වර්ණය- නිල්, අංකය- 06, දිනය- සිකුරාදා
වෘශ්චික
වියදම් පක්ෂය තරමක් ඉහළයි
ලග්නාධිපති කුජ, රවි දහයේ දිග්බලයි. සිකුරු, බුධ සමඟ සිටී. ගුරු ලග්නයේ ද, ශනි, කේතු 2, රාහු 8 ගෝචරය වේ. එම ග්‍රහ ගෝචරය ගැන සැලකීමේ දී වෘත්තීය සහ රැකීරක්ෂා කටයුතුවල දී බාධා අවහිරතා ගැටලුකාරී තත්ත්වයන් උදා කළ හැකිය. ප්‍රධානීන් සමග කටයුතු කිරීමේ දී සැලකිලිමත් වන්න. මිල මුදල් ලැබීම තුළ මධ්‍යස්ථයි. විටෙක වියදම් පක්ෂය තරමක් ඉහළ යයි. යුගදිවිය සම්බන්ධ කටයුතු මෙන්ම ගෙදරදොර කටයුතුවල දී තරමක් කල්පනාකාරී වන්න. දරුවන්ගේ කටයුතුවල දී කාලයත්, ධනයත්, ශ්‍රමයත් වැය වේ. අධ්‍යාපන අංශවල යෙදී සිටින අයට අලුත් විෂයයන් ඉගෙනීමට අවස්ථාව සලසා ගත හැකිය. පාද ආශ්‍රිත පීඩා, ලේ දූෂ්‍යාබාධ, උදරගත රෝගාදියෙන් ද ප්‍රවේසම් විය යුතුයි.
ජය වර්ණය- රතු, අංකය- 09, දිනය- බ්‍රහස්පතින්දා
ධනු
උසස් නිලධාරීන් සමඟ කටයුතු කල්පනාවෙන්
ලග්නාධිපති ගුරු 12 ද, ශනි, කේතු ලග්නයේ ද, රාහු 7 ද, රවි, කුජ, බුධ, සිකුරු නවවැන්නේ ද ගමන් ගනී. එම පිහිටීම් තුළ වෘත්තීය සහ රැකීරක්ෂා කටයුතුවල දී යම් යම් බාධා අවහිරතා ඉස්මතු කරයි. උසස් නිලධාරීන් සමග කටයුතු කිරීමේ දී බුද්ධිමත් වන්න. ගුප්ත පර්යේෂණ කටයුතුවලට ශුභයි. මිල මුදල් ලැබීම අතින් සාමාන්‍ය වේ. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී තරමක් කල්පනාකාරී වන්න. දරුවන්ගේ කටයුතු කෙරෙහි අවධානයෙන් සිටින්න. අධ්‍යාපන අංශවල යෙදී සිටින අයට සිය උත්සාහය සහ කැපවීමෙන් සාර්ථක ප්‍රතිඵල ලබා ගත හැකිය. උෂ්ණාධික රෝග, ස්නායු පීඩාදියෙන් ප්‍රවේසම් වන්න.
ජය වර්ණය- රන්වන්, අංකය- 03, දිනය- බ්‍රහස්පතින්දා
මකර
වාසි ලබයි
ලග්නාධිපති ශනි, කේතු 12 ද, ගුරු 11 ද, රවි, කුජ, බුධ, සිකුරු 8 ද, රාහු 6 ගමන් කරයි. වෘත්තීය සහ රැකීරක්ෂා කටයුතුවල දී සිය උත්සාහය සහ කැපවීමෙන් කිසියම් සාර්ථක ප්‍රතිඵලයක් උදා කරනු ඇත. අන්‍යයන්ගේ සහයෝගය සහ උපකාරය ලැබේ. ආර්ථික සහ මූල්‍යමය වශයෙන් ශුභයි. විවිධ ක්ෂේත්‍රයන්ට යොමු වීමෙන් සාර්ථක ප්‍රතිඵල ලබයි. වෙළෙඳ ව්‍යාපාරවල යෙදී සිටින අයට යහපත්ය. වාසි ලබයි. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී කල්පනාකාරී වන්න. විටෙක සමඟිය සාමයට බාධා එල්ල වේ. දරුවන්ගේ කටයුතු කෙරෙහි අවධානයෙන් සිටින්න. අධ්‍යාපන කටයුතුවල යෙදී සිටින අයට සිය උත්සාහය තුළ සාර්ථක ප්‍රතිඵල ලැබේ. රුධිර පීඩනය, මුත්‍ර දෝෂ, උෂ්ණාධික රෝගවලට ඉඩ පවතී.
ජය වර්ණය-නිල්, අංකය-08, දිනය-සෙනසුරාදා
කුම්භ
මිල මුදල් පැත්ත සතුටුදායක නෑ
ලග්නාධිපති ශනි, කේතු අයස්ථානයේය. රාහු 5 ද, ගුරු 10 ද ගමන් කරයි. රවි, කුජ, බුධ, සිකුරු හතේ වේ. එම ග්‍රහ ගෝචරය ගැන සැලකීමේ දී වෘත්තීය සහ රැකීරක්ෂා කටයුතු කරගෙන යෑමේ දී විටින් විට බාධා අවහිරතා ගැටලුකාරී තත්ත්වයන් ඉස්මතු වීමෙන් ඔබ බලාපොරොත්තු වන තරමට සාර්ථක ප්‍රතිඵල උදා නොවේ. මිල මුදල් ලැබීම අතින් වුව ද එතරම් ශුභදායක නැත. ආදායම් ලැබුණ ද වියදම් පක්ෂය ඉහළ යයි. ගෙදරදොර කටයුතු කරගෙන යෑමේ දී ශරීරයට තද වෙහෙස මහන්සි ගතියක් පෙන්වයි. වැඩකටයුතු බහුල වේ. ඉවසීමෙන් ක්‍රියා කරන්න. දරුවන්ගේ කටයුතු කෙරෙහි වැඩි අවධානයක් යොමු කරන්න. ශරීර දුර්වලතාවලට ඉඩ පවතී.
ජය වර්ණය- නිල්, අංකය- 08, දිනය- සෙනසුරාදා
මීන
දරුවන්ගේ වැඩට කාලය ගත වෙයි
ලග්නාධිපති ගුරු භාග්‍යස්ථානයේය. ශනි, කේතු කර්මස්ථානයේය. රවි, කුජ, සිකුරු හයේ ද ගමන් ගනී. රාහු 4 ගෝචරය වේ. එම කරුණු සැලකීමේ දී වෘත්තීය සහ රැකීරක්ෂා කටයුතු කරගෙන යාමේ දී විටින් විට බාධා අවහිරතා ඉස්මතු වේ. සතුරු කරදර පෙන්වයි. එම නිසා ඉවසීමෙන් ද බුද්ධිමත්ව ද ක්‍රියා කළ යුතුයි. මිල මුදල් ලැබීම අතින් යහපත් වුව ද වියදම් පක්ෂය ඉහළ යන නිසා මිල මුදල් ඉතිරි කරගැනීම අපහසු වේ. ගෙදරදොර කටයුතු මෙන්ම යුගදිවිය සම්බන්ධ කටයුතුවලදී තරමක් කල්පනාකාරී වන්න. දරුවන්ගේ කටයුතු සම්බන්ධයෙන් කාලයත් ධනයත් ශ්‍රමයත් වැය වේ. ඉගෙනීමේ යෙදී සිටින අයට ශුභයි. රුධිර පීඩනය, උෂ්ණාධික රෝග ඇති කළ හැකිය.
ජය වර්ණය- රන්වන්, අංකය- 03, දිනය- බ්‍රහස්පතින්දා
