මිදුල පුරා මඬ නාමින්
සෙල්ලම් කළ කාලේ
අයියා එක්ක අක්කා එක්ක
රණ්ඩු කරපු කාලේ
සෙල්ලම් ගෙයි වහලේ කඩන්
බිමට වැටුණු කාලේ
මට මතකයි මට මතකයි
මගේ ළමා කාලේ
තැඹිලි ගහේ පොල් පිත්තෙන්
ලොකු හරකෙක් කපලා
පොල් කට්ටක් දෙකට කඩා
අං තට්ටුව තියලා
ඔන්න පුතේ හරකා කියලා
සීයා දුන්නා හදලා
ඒ අතරේ අම්මා කැව්වා
මට බත් ගුළි හදලා
ආර්.පී. ශනිල්කා අමදිනි රත්නායක
9 ශ්රේණිය
යශෝධරා දේවී බාලිකා මහා විද්යාලය
ගම්පහ
