Surado Campus of Business Management ආයතනය අර්ධ නිපුණ සහ නිපුණ ශ්‍රී ලාංකිකයින් සඳහා උපස්ථායක ඖෂධවේදය සහ සෞඛ්‍ය සේවා ක්ෂේත්‍ර සඳහා වෘත්තීය සුදුසුකම් පිරිනමනු ලබයි. එහි 2023 අධ්‍යයන වර්ෂය සඳහා වූ උපාධි ප්‍රදානෝත්සවය, අභියාචනාධිකරණ විනිසුරු සෝභිත රාජකරුණා ප්‍රමුඛ සම්භාවනීය අමුත්තන් රැසකගේ ප්‍රධානත්වයෙන් උත්කර්ෂවත් ලෙස පසුගියදා BMICH හිදී පවත්වන ලදි.
සුරාඩෝ කැම්පස් ආයතනයේ සභාපති ප්‍රධාන විධායක නිලධාරී ආචාර්ය පී.එස්. රචිත බුද්ධික පවසා සිටියේ, “අපගේ උපාධිධාරී සිසුන්ගේ ජයග්‍රහණ පිළිබඳ ආඩම්බර වෙමු. ඔවුන්ගේ කැපවීම සහ වෙහෙස මහන්සි වී වැඩ කිරීම සුරාඩෝ කැම්පස් ආයතනය ආරක්ෂා කරන සාරධර්ම, විශිෂ්ටත්වය, වෘත්තීයභාවය සහ සෞඛ්‍ය සේවා අංශයට අඛණ්ඩව සේවය කිරීමට ඇති කැපවීම පෙන්නුම් කරයි. ඔවුන් ඔවුන්ගේ වෘත්තීය ගමන ආරම්භ කරන විට ශ්‍රී ලංකාවේ සහ ඉන් ඔබ්බෙහි සෞඛ්‍ය සේවා ක්ෂේත්‍රයට සැලකිය යුතු දායකත්වයක් සපයනු ඇතැයි අප විශ්වාස කරනවා…” යනුවෙනි.
