ඩයලොග් ආසියාටා පූර්ණ අනුග්‍රහයෙන් ඩයලොග් ජනාධිපති රන් කුසලාන අවු. 25 න් පහළ වොලිබෝල් තරගාවලියේ ආරම්භක උත්සවය බස්නාහිර පළාත් තරග ආරම්භ කරමින් මාර්තු 30 වැනිදා හොරණ නගර සභා ක්‍රීඩාංගණයේ පැවැත්විණි. මේ අවස්ථාවට ශ්‍රී ලංකා වොලිබෝල් සම්මේලනයේ ලේකම් සහ මධ්‍යම ආසියානු වොලිබෝල් සංගමයේ ප්‍රධාන ලේකම් A.S. නාලක, ඩයලොග් ආසියාටා මෙහෙයුම් කළමනාකරු මංජුල ගුණසේකර ඇතුළු ශ්‍රී ලංකා වොලිබෝල් සම්මේලනයේ සහ ඩයලොග් ආසියාටා සමාගමේ විශාල පිරිසක් සහභාගී විය.
මෙහිදී බස්නාහිර පළාත් පිරිමි තරගාවලියේ ශූරතාව රදාවාන ගෝල්ඩන් බර්ඩ්ස් ක්‍රීඩා සමාජය දිනාගත් අතර, අනුශූරතාව පොතුපිටිය ලකී සික්ස් ක්‍රීඩා සමාජය දිනා ගත්තේය. බස්නාහිර පළාත් කාන්තා ශූරතාව කිරිඳිවැල සංඝමිත්තා ක්‍රීඩා සමාජය දිනාගත් අතර අනුශූරතාව හෝමාගම ක්‍රීඩා සමාජය දිනා ගත්තේය. මෙම ශූරතා සහ අනුශූරතා දිනාගත් කණ්ඩායම් ජුනි මාසයේ පැවැත්වීමට නියමිත ජාතික තරගාවලිය සඳහා සුදුසුකම් ලබා ගන්නා ලදි.
