මුද්රිත ග්රන්ථ සඳහා ආධාර ලබාදීම වෙනුවෙන් ජාතික පුස්තකාල හා ප්රලේඛන සේවා මණ්ඩලය ක්රියාත්මක කරන “නව ප්රකාශන මිලදී ගැනීමේ ව්යාපෘතිය” යටතේ 2019/2020 වර්ෂයන්හි මුද්රණයෙන් නිකුත් කෙරුණු කෘති බාර ගැනීම මේ වන විට ආරම්භ කර තිබේ. මේ යටතේ 2019/2020 වර්ෂවල මුද්රිත නවකතා, කෙටි කතා, පද්ය වැනි නිර්මාණාත්මක කෘතිද, ශාස්ත්රීය සහ පර්යේෂණාත්මක කෘතිද භාර ගැනීම ඔක්තෝබර් 10 දින දක්වා සිදුකරන අතර අදාළ අයදුම්පත් ජාතික පුස්තකාල හා ප්රලේඛන සේවා මණ්ඩලයේ ප්රකාශන හා ග්රන්ථ සංවර්ධන අංශයෙන් ලබා ගත හැකිය. ප්රකාශයට පත්කරන ලද ග්රන්ථ අලෙවිකර ගැනීමේදී කතුවරුන් මුහුණ පාන ගැටලු සඳහා සහනයක් ලබා දීම, ගුණාත්මක මට්ටමේ කෘති මිලදී ගැනීම, පුස්තකාල සංවර්ධනය, කියවිම ප්රවර්ධනය මේ ව්යාපෘතියේ මූලික අරමුණු අතර වේ.