මරණ දඬුවම් නියමව සිටින රත්නපුර දිස්ත්‍රික් පාර්ලිමේන්තු මන්ත්‍රී ප්‍රේමලාල් ජයසේකර මහතාට පාර්ලිමේන්තු රැස්වීම්වලට සහභාගි වීමට අවසර දෙනවාද යන්න පිළිබඳ අතුරු නියෝගය ලබන සඳුදා (07) ප්‍රකාශයට පත් කිරීමට අභියාචනාධිකරණය ඉකුත් (04) වැනිදා තීන්දු කළේය.
මහ මැතිවරණයෙන් තේරී පත්වූ තමාට පාර්ලිමේන්තු රැස්වීම්වලට සහභාගිවීමට අවසර දෙස ලෙසට බන්ධනාගාර කොමසාරිස් ජනරාල්වරයා වෙත නියෝගයක් නිකුත් කරන ලෙස ඉල්ලා මරණ දඬුවම නියම වී සිටින රත්නපුර දිස්ත්‍රික් පාර්ලිමේන්තු මන්ත්‍රී ප්‍රේමලාල් ජයසේකර මහතා ගොනු කළ රීට් පෙත්සම ඉකුත් (04) වැනිදා අභියාචනාධිකරණය සභාපති ඒ.එච්.එම්.ඩී. නවාස් සහ සෝභිත රාජකරුණා යන මහත්වරුන් ගෙන් යුත් ද්වි පුද්ගල අභියාචනාධිකරණ මඬුල්ලක් හමුවේ සලකා බලමින් අභියාචනාධිකරණය මෙම නියෝගය එදිනට කල් තැබිණි.
එසේ ම පෙත්සම සම්බන්ධයෙන් වගඋත්තරකරුවන්ට නොතීසි නිකුත් කරනවා ද නැද්ද යන තීන්දුව ද එදිනට ප්‍රකාශයට පත් කිරීමට අභියාචනාධිකරණ විනිසුරු මඬුල්ල නියම කළේ ය.
