ශ්රී ලංකාවේ රාජ්ය අංශය ඩිජිටල්කරණය සහ සයිබර් ආරක්ෂාව වැඩි දියුණු කිරීමට තාක්ෂණික සහාය ලබා දීමට ඊශ්රායලය එකඟ වී තිබේ.
ආරක්ෂක ලේකම් මේජර් ජෙනරාල් (විශ්රාමික) කමල් ගුණරත්න මහතා හමු වූ ශ්රී ලංකාවේ ඊශ්රායල තානාපති ආචාර්ය රොන් මල්කා මහතා ඒ බව පැවසීය.ඊශ්රායලය සතු සියලු දියුණු තාක්ෂණික අංශයන් ශ්රී ලංකාවේ දියුණුව පිණිස ලබා දීමට කටයුතු කරන බව පැවසූ මල්කා මහතා මෙරට හමුදාමය සබඳතා ශක්තිමත් කිරීම, බුද්ධි තොරතුරු හුවමාරු කර ගැනීම සහ ත්රිවිධ හමුදාවේ සහ ශ්රී ලංකා පොලිසියේ නිලධාරීන් වෙනුවෙන් වැඩි පුහුණු අවස්ථා ලබා දෙන බවද පෙන්වා දුන්නේය. ලෝකයේ හොඳම බුද්ධි සේවාවක් පවත්වාගෙන යාම සම්බන්ධයෙන් ඊශ්රායලය කීර්තියට පත්ව ඇත.