ඉදිරි මහ මැතිවරණය ජයග්‍රහණය කිරීම පිණිස දින 50ක ජනතා මෙහෙයුමක් ආරම්භ කර ඇතැයි ජනතා විමුක්ති පෙරමුණ පවසයි. ඒ යටතේ බිම් මට්ටමේ සිට ඉහළ තලයන් දක්වා සියලු ජනතාව ආමන්ත්‍රණය කිරීමට කටයුතු යොදා ඇතැයිද එම පක්ෂය පෙන්වා දෙයි. රට ගොඩ ගැනීම පිණිස කටයුතු කළ යුතු ආකාරය මෙන්ම ඒ සඳහා ජනතාව විසින් කළ යුතු කාර්යයන් සම්බන්ධව මෙහිදී වැඩි දුරටත් ජනතාව දැනුවත් කරනු ඇත.
පක්ෂයේ සියලු ජ්‍යෙෂ්ඨයන් මේ වන විටත් ගම් මට්ටමේ සිට ජනතාව දැනුවත් කිරීමේ එම වැඩ සටහන අරඹා ඇතැයිද එම පෙරමුණ පවසයි.
මහ මැතිවරණයේදීත් මාලිමාව ලකුණින් ජාතික ජන බලවේගය යටතේ තරග කිරීමට ජනතා විමුක්ති පෙරමුණ මේ වන විටත් තීරණය කර ඇත.
