අප්රේල් මස 21 වැනිදා සිදු වූ පාස්කු ප්රහාරය පිළිබඳ සොයා බැලීමට පත් කළ පාර්ලිමේන්තු විශේෂ කාරක සභාව හමුවේ සාක්ෂි විමසීමේ කටයුතු සියල්ල අවසන් බවත්, එහි අවසන් වාර්තාව ඔක්තෝ්බර් දෙවැනි සතියේදී පාර්ලිමේන්තුවට ඉදිරිපත් කරන බවත් ඒ කමිටුවේ සභාපති, නියෝජ්ය කථානායක ආනන්ද කුමාරසිරි මහතා සිළුමිණට පැවැසීය.
මේ පාර්ලිමේන්තු විශේෂ කාරක සභාව හමුවේ මේ වන විට 54 දෙනකු සාක්ෂි දී ඇති අතර, එහි අවසන් සාක්ෂි ලබාගෙන ඇත්තේ ජනාධිපති මෛත්රීපාල සිරිසේන මහතාගෙනි.
අගමැති රනිල් වික්රමසිංහ මහතා ප්රමුඛ මැති-ඇමැතිවරුන් ඇතුළු රාජ්ය සේවා නිලධාරීන්ද මේ කොමිසම හමුවේ විටින් විට සාක්ෂි ලබා දුන්හ.
මේ සඳහා නියෝජ්ය කථානායක ආනන්ද කුමාරසිරි මහතාගේ සභාපතිත්වයෙන් යුත් පාර්ලිමේන්තු විශේෂ කාරක සභාවේ සාමාජිකයන් ජනාධිපති ලේකම් කාර්යාලය වෙත පසුගිය සිකුරාදා පැමිණි අතර ඒ සාක්ෂි විමසීම පැය දෙකහමාරක් පමණ පැවැති බව වාර්තා වෙයි.
මේ සාක්ෂි විමසීමෙන් අනතුරුව ජනාධිපතිවරයා විසින් මලල්ගොඩ කමිටු වාර්තාවේ නිර්දේශද මේ කමිටුව වෙත ලබා දුන් බව කමිටු සභාපතිවරයා පැවැසිය. කමිටුවේ කටයුතු මාධ්යට විවෘත වුවද ජනාධිපතිවරයාගෙන් සාක්ෂි විමසීමේ කටයුතු මාධ්යට විවෘත වූයේ නැත.