වසර 2015 සිට 2019 දක්වා ‘යහපාලන‘ රජයේ දේශපාලන පළිගැනීම් පිළිබඳව රාජ්‍ය සේවයේ දේශපාලන පළිගැනීම් සොයාබලන කමිටුවට ලැබුණු අභියාචනා 6,952ක් පිළිබඳව පරීක්ෂා කිරීම දැන් ආරම්භ කර තිබේ.
රාජ්‍ය සහ අර්ධ රාජ්‍ය සේවයේ පරිපාලනමය වශයෙන් දේශපාලන පළි ගැනීමට ලක් වූ සේවකයන් විසින් මෙම පැමිණිලි 6,952 ඉදිරිපත් කළ අතර ඉන් පැමිණිලි 2,365ක් කමිටුව වෙත ඍජුව ලැබී තිබිණි.
ඉකුත් ‘යහපාලන‘ ආණ්ඩු සමයේ රාජ්‍ය සේවයේ සිදුවූ දේශපාලන පළි ගැනීම් සොයාබැලීම පිළිබඳව අගමැති මහින්ද රාජපක්ෂ විසින් අමාත්‍ය ගාමිණී ලොකුගේ ගේ සභාපතිත්වයෙන් යුතුව මෙම කමිටුව පත් කරන ලදී.
මෙම කමිටුවේ සෙසු සාමාජිකයන් වූයේ හිටපු අමාත්‍යාංශ ලේකම් මහින්ද සෙනෙවිරත්න, හිටපු අතිරේක අධ්‍යක්ෂ ජනරාල් ආරියරත්න ආරියප්පෙරුමය. කමිටුවේ කැඳවුම්කරු ලෙස කටයුතු කෙළේ නීතිඥ චතුරිකා විජේසිංහය.
