දෙහිවල කළුබෝවිල හත්බෝධි රජමහා විහාරස්ථානයේ වාර්ෂිකව සිදු කරන අටවිසි බුද්ධ පූජා සහිත ධර්ම දේශනා මාලාව සහ ශ්‍රී උපනන්ද ගුණානුස්මරණ පින්කම් මාලාව මේ දිනවල විහාරස්ථානයේදී පැවැත්වේ.
පසුගිය 27 වැනි දින ආරම්භ කෙරුණු පින්කම මාර්තු මස 15 වැනි දින දක්වා පැවැත්වේ. රාත්‍රී 7.30 ට ආරම්භ වන ධර්ම දේශනාවන් පවත්වන ස්වාමීන් වහන්සේලා පිළිවෙළින් බගවන්තලාවේ රාහුල, ගල්ලැහැපිටියේ පේමරතන, හසලක සීලවිමල, හිගුරේ පඤ්ඤාසේකර, මානකඳුරේ පඤ්ඤාසාර, ඉඳුරාගාරේ ධම්මරතන, පයාගල නිමල, තලල්ලේ චන්දකිත්ති, මාවරල භද්දිය, බොරැල්ලේ කෝවිද, සියඹලාගොඩ ධම්මින්ද, කැලණියේ ශාසන වංශ, කොලබිස්සේ ධම්මානන්ද, කුකුල්පනේ සුදස්සි, මාලිම්බඩ පඤ්ඤාසාර, මීගොඩ සුඛිත, අළුත්ගම පඤ්ඤාසාර සහ කහගොල්ලේ සෝමවංශ යන ස්වාමීන් වහන්සේලාය.
විහාරස්ථානයේ ආදි කර්තෘ කිරුළපනේ උපනන්ද සහ කළුබෝවිල විමලසිරි යන ස්වාමීන්ද්‍රයන් වහන්සේලාට පින් අනුමෝදන් කිරීමට විහාරස්ථ බෝධිරාජ කුලඟන සමිතිය මෙම පින්කම සංවිධානය කරයි.
