ලෝකය පුරා විසිරී සිටින ශ්රී ලාංකීය භික්ෂූන් වහන්සේ සියලු දෙනා එක් කර එකම සංවිධානයක් යටතේ ශ්රී ලංකාවට උපරිම සේවාවක් ලබා දීම උදෙසා විශ්වීය බෞද්ධ භික්ෂූ සම්මේලනය 2018 වසරේදී ජපානයේදී ආරම්භ කරන ලද අතර එහි දෙවන සමුළුව පසුගිය වසරේ ප්රංශයේදී පවත්වන ලදී. මේ වසරේ දෙසැම්බර් මස 4,5,6 තෙදින ටැන්සානියාවේ එහි තුන්වන සමුළුව පවත්වනු ලබන අතර මේ සම්මේලනයේ ප්රධාන අරමුණ වන්නේ විදේශගතව වැඩ වාසය කරනු ලබන සියලු භික්ෂූන් එක්වී මෙරට ජනතාව වෙනුවෙන් පොදු සේවයක නිරත වීමත් සිංහල ඩයස් පෝරාවක් ස්ථාපිත කිරීමත්ය.
ඒ පරමාර්ථයන් මුදුන් පත් කර ගැනීමට අරඹන ලද විශ්වීය බෞද්ධ භික්ෂූ සම්මේලනයේ මෙහෙයවීමෙන් මැලේසියාවේ ‘එඩියු කෙයාසාන් මහාකරුණා‘ බෞද්ධ සංසදයේ සභාපති මැලේසියාවේ ප්රධාන සංඝ නායක බූටාවත්තේ සරණංකර නා හිමියන්ගේ දායකත්වයෙන් කෑගල්ල දිස්ත්රික්කයේ පාසල් දරුවන් 5000කට පාසල් උපකරණ ඇතුළු තිළිණ ප්රදානය කිරීමද පසුගියදා කෑගල්ල වට්ටාරම ශ්රී අරහත්ත මලියදේව රජමහා විහාරස්ථනයෙදී සිදු කෙරුණි. ඒ සඳහා දේශපාලනඥයන් මෙන්ම කෑගල්ල දිසාපතිවරයා ඇතුළු රාජ්ය නිලධාරීන්ද සහභාගි වූහ. සිසුන්ට තිළිණ ලබා දීමට අමතරව දිස්ත්රික්කයේ විහාරස්ථාන 200ක් උදෙසා විශේෂ උපකරණ කට්ටලයන් ද පිරි නමන ලදී. මේ සේයාරුවෙන් දැක්වෙන්නේ බූටාවත්තේ සරණංකර නා හිමියන් විසින් පාසල් දැරියකට තිළිණ ප්රදානය කළ අවස්ථාවයි. මේ කාර්යය මෙහෙය වූ විශ්වීය බෞද්ධ භික්ෂූ සම්මේලනයේ නිර්මාතෘ හා මහ ලේකම් ජපානයේ සම්බුද්ධාලෝක විහාරාධිපති ආචාර්ය තුන්හිටියාවේ ධම්මාලෝක හිමියෝද මෙහි වෙති.