ඉදිරි මැතිවරණය සඳහා ඉදිරිපත් වන්නට අපේක්ෂාවෙන් සිටින සියලු දේශපාලන පක්ෂවල අභ්යන්තර අර්බුද මතුවී - මත බේදාත්මක තත්ත්වයක් නිර්මාණය වී තිබේ.
ශ්රී ලංකා පොදුජන පෙරමුණ, එක්සත් ජාතික පෙරමුණ, ශ්රී ලංකා නිදහස් පක්ෂය ඇතුළු පක්ෂ විපක්ෂ රැසක් ඉදිරි පාර්ලිමේන්තු මහ මැතිවරණය සඳහා තරග කිරීමේදී සන්ධාන ගත වීමට යාමෙන් මෙම අර්බුදකාරී තත්ත්වය නිර්මාණය වී ඇත. ශ්රී ලංකා නිදහස් පක්ෂයේ සභාපති මෛත්රීපාල සිරිසේන ශ්රි ලංකා නිදහස් පොදුජන සන්ධානයේ සභාපතිවරයා ලෙස පත් කිරීම සම්බන්ධයෙන් ශ්රී ලංකා පොදුජන පෙරමුණේ මැති ඇමැතිවරුන්ගේ චෝදනාවන්ට ලක්ව සිටී. මෛත්රීපාල සිරිසේනයන් සම්බන්ධයෙන් මතුව ඇති විරෝධතා සමනය කිරීමට අගමැති මහින්ද රාජපක්ෂ මහතා අදාළ පාර්ශ්ව සමඟ අවස්ථා ගණනාවකදී සාකච්ඡා කර ඇත. මේ අතර ඡන්ද සටහන මෙහෙයවීම සඳහා ලකුණක් අහිමිව සිටින විපක්ෂ නායක සජිත් ප්රේමදාස මහතාගේ සමඟි බලවේගය හදවත ලකුණ තෝරා ගැනීමට තීරණය කර ඇති බව පාර්ලිමේන්තු මන්ත්රී සුජීව සේනසිංහ සඳහන් කර ඇත.