සමාජ ජාලා මාධ්යයන්හි සැරිසරද්දී නාඳුනන පුද්ගලයන් සමඟ කෙටි පණිවිඩ (එස්එම්එස්) ඔස්සේ සබඳතා පවත්වද්දී තමන්ගේ හෝ වෙනත් අයගේ ඡායාරූප හුවමාරු කර නොගන්නා ලෙස පොලිසිය ජනතාවට අවවාද කරයි.
ජාවාරම්කාර පුද්ගලයන් විසින් කෙටි පණිවිඩ ඔස්සේ සම්බන්ධ වන අයගේ ඡායාරූප ලබාගෙන ඒවා නිරුවත් ඡායාරූප හා සංස්කරණය කොට දේශීය හා විදේශීය වෙබ් අඩවිවලට විකුණන ජාවාරම් සිදුවන බව පොලිස් විමර්ශනවලදී අනාවරණය වී ඇත. එම නිසා මෙවැනි වංචාකාර පුද්ගලයන් ගැන අවධානයෙන් සිටින ලෙසත් එවැනි පුද්ගලයන් ගැන යම් හෝඩුවාවක් ලැබුණහොත් පොලිසියට දැනුම් දෙන ලෙසද ඉල්ලා සිටී.