ජ්‍යෙෂ්ඨ පොලිස් අධිකාරී ලලිත් නානායක්කාර මහතා නොවැම්බර් 30 සිට ක්‍රියාත්මක වන පරිදි නියෝජ්‍ය පොලිස්පතිවරයකු ලෙස උසස් කොට ඇත. උප පොලිස් පරීක්ෂකවරයකු ලෙස 1980දී පොලිස් සේවයට එක්ව ඇති ඒ මහතා කුරුණෑගල මලියදේව විද්‍යාලයේ ආදි ශිෂ්‍යයෙකි. ක්‍රිකට් සහ මලල ක්‍රීඩාවෙන් මලියදේවයේ වර්ණ ලාභියකුද වන නානායක්කාර මහතා පොලිස් ජීවිතාරක්ෂක සංගමයේ ලෝකඩ පදක්කම් ලාභියෙකි. ශ්‍රී ලංකා ක්‍රිකට් විනිසුරුවරයකුද වන ඒ මහතා ජාතික බැට්මිටන් ක්‍රීඩකයෙක්ද වේ. ඉන්දියාවේ ශ්‍රී ලංකා නියෝජ්‍ය මහ කොමසාරිස් කාර්යාලයේ ආරක්ෂක උපදේශකයකු ලෙස 2017 සහ 2018 වසරවල සේවයේ නිරතව සිට ඇති ඒ මහතා එක්සත් ජාතීන්ගේ සාම සාධක හමුදාවට අනුයුක්තව සුඩාන් රාජ්‍යයේද සේවය කර ඇත.
