Mother Sri Lanka සංවිධානය සිය ‘Empowering Entrepreneurs’ ව්‍යාපෘතිය සමඟ එක්වී සිටින විශාල පිරිසකගේ නිෂ්පාදන අලෙවි කිරීම සඳහා කෝට්ටේ ප්‍රදේශයේ දී නවීන පහසුකම් සහිත අලෙවිසැලක් විවෘත කළේ ය. Mother Sri Lanka යනු ස්වාධීන, ලාභ නොලබන පුණ්‍ය ආයතනයකි. අංක 614, ශ්‍රී ජයවර්ධනපුර මාවතේ (පාර්ලිමේන්තු ප්‍රවේශ මාර්ගයේ කෙසෙල් කොළේ බස් නැවතූම ඉදිරිපිට) පිහිටා ඇති මෙම නව අලෙවිසැල තුළ කාබනික ලෙස පිළියෙල කළ ආහාරපාන මෙන්ම වේවැල් හා පන් භාණ්ඩ, අත්කම් රෙදිපිළි, පිඟන් කෝප්ප, ශෛලමය භාණ්ඩ, මැටි භාණ්ඩ, සිප්පිකටු සහ පොල්කටුවලින් නිමවන ලද භාණ්ඩ, සෙරමික් භාණ්ඩ, ලිපිද්රව්ය මෙන්ම තවත් කලාත්මක භාණ්ඩ රාශියක්ද අලෙවියට තබා තිබේ. ‘100 Smiles for your 100 rupees’ යන තේමාව යටතේ a ‘Love Sri Lanka’ යන උප සන්නාමයෙන් ‘Empowering Entrepreneurs’ ව්‍යාපෘතියට අදාළ භාණ්ඩ අලෙවි කෙරේ. 2016 වසරේ දී ආරම්භ වූ මෙම 
ව්‍යාපෘතිය මගින් දැනටමත් කොළඹ, ගම්පහ, කළුතර, ගාල්ල, මාතර, මහනුවර, මාතලේ, කුරුණෑගල, පොලොන්නරුව සහ නුවරඑළිය යන දිස්ත්රි ක්කවල කුඩා හා මධ්‍යම පරිමාණ ව්‍යාපාර 100 කට අධික සංඛ්‍යාවකට කොළඹ ඉහළ නාගරික වෙළඳපොළට පිවිසීමට අවස්ථාව සලසා දී ඇත. නව අලෙවි සැල විවෘත කිරීම පිළිබඳව අදහස් දක්වමින් Mother Sri Lankaහි නිර්මාතෘ/සභාපති ආචාර්ය ජානකී කුරුප්පු මහත්මිය මෙසේ පැවසුවා ය. ‘‘වඩාත් හොඳ ශ්‍රී ලංකාවක් බිහිකිරීම යනු අප සැමදෙනා වෙතම පැවරී ඇති වගකීමක්. හුදෙක් විලාසිතා වෙනුවෙන් නොව වැදගත් සමාජ වගකීමක් ඉටුකිරීම උදෙසා අපගේ නව ප්‍රදර්ශනාගාරය වෙත පැමිණෙන මෙන් මා සියලූ ශ්‍රී ලාංකිකයන්ට ආරාධනා කර සිටිනවා. මෙහි දී ඔබට දේශීය අමුද්‍රව්‍ය යොදාගෙන ශ්‍රී ලාංකිකයන් විසින් නිෂ්පාදනය කරන ලද භාණ්ඩ මිලදීගැනීමට පුළුවන්. එය තවත් ශ්‍රී ලාංකිකයන් පිරිසකට තම ජීවන තත්ත්වය උසස් කරගනිමින්, මුල්‍ය ස්ථාවරත්වය ළඟා කරගනිමින්, තමන්ට සැබැවින්ම ආඩම්බර විය හැකි වෘත්තියක නිරත වීමට අවස්ථාව සලසා දීමක් ලෙස හැඳින්විය හැකියි.
ස්වේච්ඡාවෙන් දායක වන වෘත්තිකයන් කණ්ඩායමක් විසින් ලාභ ලැබීමේ අරමුණකින් තොරව පවත්වාගෙන යන මෙම ව්‍යාපෘතියේ කොටස් හිමියන් නැති නිසා එමගින් ලැබෙන මුදල් සියල්ල නැවත ව්‍යාපෘතිය වෙතම බැරවනවා.
