ජනාධිපතිවරණය අවසන්ව ඇත. නව ජනාධිපතිවරයෙකු පත්ව ඇත. මෙවර ජනාධිපතිවරණය අති සාර්ථක අන්දමින් පැවැත්වීම ගැන මැතිවරණ කොමසාරිස්තුමා ඇතුළු මැතිවරණ කොමිසමට ස්තූතිය පුද කළ යුතුය.
මැතිවරණයක් තිබුණා ද නැද්ද කියා වෙනසක් දැනෙන්නේ නැති තරමට වටපිටාව සන්සුන්ය. සාමකාමීය. විශේෂයෙන් පරිසරය ආරක්ෂා කිරීම පිළිබඳ ෙහාඳ ආදර්ශයක් මෙවර මැතිවරණයෙන් රටට ලබා දී ඇත. එහි ස්තූතිය අපේක්ෂකයන්ට ද පුද කළ යුතුය. පසුගිය කාලවල මැතිවරණයක් කියූ සැණින් අපේ සිහියට නැගෙන්නේ අප්‍රසන්න හැඟීමකි. නමුත් ඡන්ද පෝස්ටර්, කටවුට්, කොඩි රැල් වලින් තොර මෙවැනි මැතිවරණ රටට යහපතක්.
මැතිවරණ කටයුතු මෙයාකාරයෙන් සාර්ථක කරගැනීමට මැතිවරණ කොමිසම කටයුතු කළ ආකාරය විශේෂයෙන් සිහිපත් කළ යුතුය. මැතිවරණ කොමසාරිස්වරයාගේ මූලිකත්වයෙන් යුතුව මේ කටයුතු මෙහෙයවූ අයුරු ප්‍රසංසනීයය. මුල සිටම සැලසුම් සහගතව සෑම කටයුත්තක්ම සිදුකළ නිසාවෙන් අපේක්ෂකයින් 35 දෙනෙකු ඉදිරිපත් වුවද මෙවර ජනාධිපතිවරණය සාමකාමි විය. ප්‍රතිඵල කඩිනමින් ලැබෙන්නට විය. හොර ඡන්ද වලට වැට බැඳුණි. පරිසරය විනාශ වූයේ නැත. මැතිවරණ ප්‍රචණ්ඩ ක්‍රියා අල්ප විය. මෙය ඉදිරි මැතිවරණවලට ආදර්ශයකි.
මේ සත් කාර්යයේදී මැතිවරණ කොමසාරිස්වරයා ප්‍රමුඛ එහි නිලධාරින්ගේ, මැතිවරණ රාජකාරි ඉටුකළ සැමටත්, අපේක්ෂකයින්ටත් ජනතාවගේ ප්‍රසංසාව හිමිවිය යුතුය.
ගීමාල් ගීගනගේ
වාද්දුව
