රාජ්‍ය සංස්ථා ව්‍යවස්ථාපිත මණ්ඩල ඇතුළු ආයතනවල ජ්‍යෙෂ්ඨ විධායක තනතුර සඳහා සුදුසුකම් සහිත ඕනෑම ශ්‍රී ලාංකික පුරවැසියෙකුට අයදුම් කළ හැකි බව නිර්දේශ ඉදිරිපත් කිරීමට පත් කළ කමිටුව පවසයි.
රාජ්‍ය ව්‍යවසාය මණ්ඩල, ව්‍යවස්ථාපිත මණ්ඩල හා රජය සතු වාණිජ ව්‍යාපාර සදහා සුදුසුකම් සහිත පුද්ගලයින් පත් කිරීම සදහා නිර්දේශ ඉදිරිපත් කිරීමට ජනාධිපති ගෝඨාභය රාජපක්‍ෂ මහතා සය පුද්ගල කමිටුවක් පත් කළ අතර එහි ප්‍රධානත්වය උසුලන්නේ හිටපු අමාත්‍ය ලේකම්වරයකු වන සුමිත් අබේසිංහ මහතායි.
එහි සෙසු සාමාජිකයින් ලෙස සුසන්ත රත්නායක, ආචාර්ය නාලක ගොඩහේවා, ඩයන් ගෝමස්, ආචාර්ය ප‍්‍රසන්න ගුණසේන සහ මහාචාර්ය ජගත් වැල්ලවත්ත කටයුතු කරති. සුදුසුකම් ලත් වෘත්තිකයින් සිය ප්‍රකාශ දෙසැම්බර් 18 හෝ ඊට පෙර එම කමිටුව වෙත ඉදිරිපත් කළ යුතුය.
