නිරන්තරයෙන් දේශයේ පෝෂණය වෙනුවෙන් ඇප කැප වී සිටින සෙරන්ඩිබ් ෆ්ලාර් මිල්ස් සමාගම පසුගිය මහනුවර ඇසළ පෙරහර උත්සවය නිමිත කරගෙන තවත් සුවිශේෂී ආයතනික සමාජ සත්කාර වැඩසටහනක් දියත් කළේය. ‘උත්තම දළදා’ නමින් සිදු කෙරුණු මෙම සුවිශේෂී වැඩසටහන යටතේ 100 දෙනෙක්ගෙන් යුත් වයෝවෘද්ධ ජේයෂ්ඨ පුරවැසියන් කණ්ඩායමක් ඇසළ උත්සවය දැකබලා ගැනීම සඳහා මහනුවර නගරය වෙත වන්දනා චාරිකාවක රැගෙන යාමට සෙරන්ඩිබ් ෆ්ලාර් මිල්ස් සමාගම කටයුතු යොදා තිබිණි.
දිවයින පුරා විවිධ ප්‍රදේශවලින් තෝරාගත් මෙම වැඩිහිටියන් පිරිස මූල්‍යමය හා ශාරීරික ආදී විවීධ හේතු මත මෙවන් උත්සවයක් දැකබලා ගැනීමට අසීරු තත්ත්වයක් සිටි පිරිසකි.
දේශය පෝෂණය කිරීම වෙනුවෙන් සිය තුරුණු වියේ ගත, සිත, ශ්‍රමය යෙදවූ මෙම වැඩිහිටියන් පිරිසට උපහාරයක් වශයෙන් මෙම වැඩසටහන සංවිධානය කළ සෙරෙන්ඩිබ් ෆ්ලාර් මිල්ස් සමාගම ඔවුන්ට අවශ්‍ය සියලුම පහසුකම් නොඅඩුව ඉතා ආදරයෙන් ලබාදීමට කටයුතු කළේය.
