ලෝක වෙළඳ සංවිධානය තවදුරටත් වලංගු ද?

අබුඩාබි හි පැවති 13 වැනි ලෝක වෙළඳ සංවිධානයේ (WTO) අමාත්‍යවරුන්ගේ සමුළුව කිසිඳු වැදගත් ගැටලුවක් විසඳීමට අපොහොසත් වෙයි. ඒ සමග ගෝලීය වෙළඳ ආයතනයට අනාගතයක් තිබේද යන්න කතාබහට ලක්වන මාතෘකාවක් බවට පත්ව තිබේ. තෙදින රැස්වීම අවසන් වීමට නියමිතව තිබුණේ පෙබරවාරි 29 වැනිදාය. නමුත් සිවුවැනි අමතර දිනයක් දක්වා සාකච්ජා ප්‍රමාද වූ පසු, කෘෂි කාර්මික, ධීවර හා ඉලෙක්ට්‍රොනික වාණිජ්‍යයට අදාළ දේශසීමා බදු වැනි විශාල ගැටලු පසෙක තබා, අවසන් ප්‍රකාශනය සඳහා එකඟ වීමට පවා සාමාජිකයෝ 164 දෙනා අරගල කරමින් සිටියහ. සමාප්ති උත්සවය උදාසීන බවක් පෙන්වූ අතර, අමාත්‍ය මණ්ඩල ප්‍රකාශය, පූර්වයෙන් යෝජනාවී තිබූ සාරභූත අන්තර්ගතයෙන් බැහැර විය.