Spa Ceylon ශ්‍රී ලංකාවේ පළමු වරට “සමනල පාරාදීසය” (Butterfly Paradise) නමින් ත්‍රිමාණ සජීවීකරණයෙන් බල ගැන්වුණු බහු සංවේදී අත්දැකීමක් One Galle Face Mall හිදී එළිදක්වන ලදි.
සංචාරකයින් ඇතුළු පැමිණි සැමට සුවදායී, මානසික විවේකයක් සමඟ දැනුම ඒකාබද්ධ කරමින්, Spa Ceylon නිෂ්පාදන අතරින් එක් කාණ්ඩයක් වන De-Stress Range ගුණාංගද සමඟ බහු සංවේදී පුනර්ජීවන අත්දැකීමක් ලබා දුන් අතර, එහි ප්‍රතිඵලයක් ලෙස පණිවිඩය සහ කතාව ප්‍රකාශ කිරීම සඳහා අතිනවීන ඩිජිටල් තාක්‍ෂණය භාවිත කරමින් සුසංයෝගී අත්දැකීමක් ද ලබා දුන්නේය.
එහිදී Spa Ceylon සම-නිර්මාතෘ ශිවන්ත ඩයස් පැවසුවේ, “ආයුර්වේද සන්නාමයක් ලෙස, ලෝකය සහ එහි ජීවත්වන මිනිසුන්ගේ යහපැවැත්ම සඳහා ‘සමතුලිතතාවය’ අතිශයින්ම වැදගත් වන බව අප විශ්වාස කරන අතරම මෙම අත්දැකීම හුදෙක් නිරූපණය කිරීමක් නොව මේ දක්වා සිදු කළ සමනල සංරක්ෂණ සහ එය ස්වභාවධර්මය සංරක්ෂණය කෙරෙහි Spa Ceylon කැපවීම සංකේතවත් කරන්නක්…”යනුවෙනි.
