ලංකා හොස්පිටල්ස් නව ස්ථුලතා පාලන (Bariatric) මධ්‍යස්ථානය ඇරැඹීම සහ අතිසාර්ථක ස්ථුලතා පාලන (Bariatric) සැත්කම් 250ක් ඉක්මවා යාම, සම්බන්ධයෙන්
ලංකා හොස්පිට්ල්ස් සමූහ ප්‍රධාන විධායක නිලධාරී දීප්ති ලොකුආරච්චි මහතා කියා සිටියේ, “අපගේ නව ස්ථුලතා පාලන (Bariatric) මධ්‍යස්ථානය සාර්ථක ලෙස සමාරම්භ කිරීම සහ අපගේ සාර්ථක 250 වැනි ශල්‍යකර්මය සිදුකිරීම ලංකා හොස්පිට්ල්ස් ඉතිහාසයේ සුවිශේෂී කඩඉමක් සනිටුහන් කරනවා…” යනුවෙනි.
Bariatric මධ්‍යස්ථානයේ ප්‍රධානී මහාචාර්ය තේජන විජේරත්න, එක් එක් රෝගියාට අනන්‍ය වූ සත්කාර ලබාදීමට මධ්‍යස්ථානයේ කැපවීම අවධාරණය කළේය. ආරාධිත අමුත්තා ලෙස හිටපු ශ්‍රී ලංකා ක්‍රිකට් නායක අර්ජුන රණතුංග ලංකා හොස්පිට්ල්ස් ස්ථුලතා පාලන (Bariatric) මධ්‍යස්ථානයේ ස්ථුලතා පාලන සැත්කම් පිළිබඳ සිය පෞද්ගලික අත්දැකීම් බෙදා ගත්තේය.
“මගේ ජීවිතයේ වැඩි කාලයක් මම තරබාරුකම සමඟ ගැටලුවලට මුහුණ දෙමින් සිටියා. නමුත් ලංකා හොස්පිට්ල්ස් Bariatric සැත්කම්වලට ස්තූතිවන්ත වන්නට ක්‍රීඩා කිරීමේදී ඇතිවූ ගැටලු දැන් සම්පූර්ණයෙන්ම විසඳී තිබෙනවා. මගේ පුතා, දුව සහ දුවගේ ස්වාමිපුරුෂයා පවා මේ ස්ථුලතා පාලන සැත්කම් කළා. එය ඇත්තටම අපි හැමෝගෙම ජීවිත වෙනස් කරන සුන්දර අත්දැකීමක්…”
