ක්‍රීඩාවේ දක්ෂතා ඔප් නංවමින් මෙරට ක්‍රීඩා ක්ෂේත්‍රයේ කාන්තාවන් බල ගන්වන ඩයලොග් ආසිආටා පීඑල්සී, ජාතික ජ්‍යෙෂ්ඨ දැල්පන්දු ශූරතාවලිය සඳහා මෙවරත්. සවිබලය සපයයි. ශ්‍රි ලංකාවේ දක්ෂතා පිරිපුන් දැල්පන්දු ක්‍රිඩිකාවන්ට සවියක් වෙමින්, මෙවර මෙම ශූරතාවලිය සඳහා ඩයලොග් ශක්තිය සපයන ලද්දේ අඛණ්ඩව 5 වැනි වසරටයි.
නෙට්බෝල් ක්‍රීඩවේ දක්ෂතා පිරිපුන් ක්‍රීඩිකාවන් ජාතික මට්ටමට ඔපමට්ටම් කෙරෙන මෙම ශූරතාවලිය, වෙන්නප්පුව ශ්‍රීමත් ඇල්බට් එෆ්. පීරිස් ක්‍රීඩා සංකීර්ණයේදී මෙම මස 20 හා 21 දිනවල පැවැත්වේ. ශූරතාව සඳහා කණ්ඩායම් 35 ක් තරග වදින තරගාවලියේ අවසන් මහා තරගය පැවැත්වූයේ, 2024 ජනවාරි 21 වැනිදාය.
2024 ආසියානු දැල්පන්දු ශූරතාව ඉදිරියේ ඒ සඳහා ශ්‍රී ලංකා ජාතික දැල්පන්දු කණ්ඩායම ලහි ලහියේ සූදානම් වන අතරවාරයේ පැවැත්වූ මෙම තරගාවලිය, ශ්‍රී ලංකා දැල්පන්දු සම්මේලනයට ද ඉතාමත් වැදගත් තරගාවලියකි. ඒ, මේ හරහා අනාගත නෙට්බෝල් තරග බිමට කැපීපෙනෙන දක්ෂතාවලින් යුතු ක්‍රීඩිකාවන්ගෙන් සැදුම්ලත් සංචිතයක් තෝරා ගැනීම එම සම්මේලනයේ අපේක්ෂාව විය.
