ශ්‍රී ලංකාවේ සංස්කෘතික අනන්‍යතාව සුරැකීමට දක්වන කැපවීම අනුව, හෙරිටන්ස් හොටෙල්ස් ඇන්ඩ් රිසෝට්ස් සහ ගාලු සාහිත්‍ය උලෙළ, 2024 සමඟ ඇති කරගත් සිය හවුල්කාරිත්වය ප්‍රකාශයට පත් කර ඇත. මෙම උලෙළෙහි එක් අංගයක් වන ශ්‍රී ලාංකේය සංස්කෘතික ඉතිහාසය සංරක්ෂණය කිරීම හා නැවත විස්තර කිරීම සඳහා චන්න දාස්වත්ත, සුනෙලා ජයවර්ධන සහ යොහාන් පීරිස් යන අය සහභාගි වනු ඇති අතර, එම සාකච්ඡාවට දායකත්වය සපයන්නේ හෙරිටන්ස් හොටෙල්ස් ඇන්ඩ් රිසෝට්ස් විසිනි.
උරුමය සහ දායාදය යන මහඟු සුසංයෝගයේ එකමුතුව හෙරිටන්ස් හොටෙල්ස් ඇන්ඩ් රිසෝට්ස් මෙම සහයෝගීතා වැඩපිළිවෙළ සමඟ අත්වැල් බැඳ ගැනීමට ඉවහල් විය. සිය අදහස් පළ කරමින්, එයිට්කන් ස්පෙන්ස් හොටෙල් හෝල්ඩිංග්ස් සමාගමේ හවුල් උප සභාපතිනි සහ හවුල් කළමනාකාර අධ්‍යක්ෂිකා, ස්ටෂානි ජයවර්ධන කියා සිටියේ, “අපගේ ප්‍රෞඩ අතීතය පිළිබඳ කතාන්තරය සුරැකීමට සහ එය නිසි අන්දමින් පෙළගැස්වීමට හෙරිටන්ස් හොටෙල්ස් ඇන්ඩ් රිසෝට්ස් තුළ ඇති කැපවීම මෙම හවුල්කාරිත්වයෙන් අවධාරණය කෙරෙණ බවයි.
