ශ්‍රී ලංකා ජාතික අපනයනකරුවන්ගේ මණ්ඩලය විසින් සංවිධානය කරන ලද 31 වැනි වාර්ෂික අපනයන සම්මාන උලෙළ පසුගියදා කොළඹ ෂැංග්‍රිලා හිදී පැවැත්විණි. එහිදී Halpé Tea හි සාඩම්බර මවු සමාගම වන U.H.E. Exports සම්මාන ත්‍රිත්වයකින් පිදුම් ලැබූ අතර, තේ සහ තේ නිෂ්පාදන අංශයේ ප්‍රමුඛයා ලෙස සිය ස්ථාවරය නැවතත් තහවුරු කරමින් Halpé Tea විසින් මෙම සම්මාන දිනා ගන්නා ලදී.
U.H.E. Exports Pvt Ltd හි කළමනාකාර අධ්‍යක්ෂ එරන්ද අබේරත්න මෙම ජයග්‍රහණයන් පිළිබඳ මෙසේ සිය අදහස් දැක්වීය. “මෙම කීර්තිමත් සම්මාන අප ආයතනයට හිමිවීම පිළිබඳ අප බෙහෙවින් සතුටට පත් වෙනවා. අප කණ්ඩායමේ නොසැලෙන කැපවීම සහ අපගේ ගනුදෙනුකරුවන්ගේ සහයෝගය පිළිබඳ මෙම සම්මානය කදිම සාක්ෂියක්. අපගේ ගනුදෙනුකරුවන් වෙත තේ නිෂ්පාදන පිළිබඳ සුවිශේෂී අත්දැකීමක් තිළිණ කර දීමට තවදුරටත් කැපවීමෙන් කටයුතු කිරීමට අප බලාපොරොත්තු වෙනවා .”
