යුනිලිවර් ශ්‍රී ලංකා මුල් පුටුවට අලි තාරික්

යුනිලිවර් ශ්‍රී ලංකා සමාගමේ නව සභාපති හා ප්‍රධාන විධායක නිලධාරී ලෙස අලි තාරික් පෙබරවාරි මස 01 දින සිට ක්‍රියාත්මක වන පරිදි පත්කර ඇති බව යුනිලිවර් ශ්‍රී ලංකා සමාගම නිවේදනය කරයි.

මෙම නව පත්වීමත් සමඟ හෙතෙම යුනිලිවර් සමාගමේ දකුණු ආසියානු නායකත්ව කණ්ඩායමට එක්වනු ඇත. මෙයට පෙර අලි තාරික් ලන්ඩනයේ යුනිලිවර් මූලස්ථානයේ ගෝලීය පරිවර්තන අංශයේ ප්‍රධාන මූල්‍ය නිලධාරීවරයා ලෙස සේවය කර තිබේ. 2003 වසරේ යුනිලිවර් සමාගමට එක් වූ ඔහු එතැන් සිට යුරෝපය, දකුණු ආසියාව සහ පෙරදිග රටවල් කිහිපයක ගෝලීය නායකත්ව භූමිකා ඉටු කර ඇත. ඔහු එංගලන්තයේ සහ වේල්ස් හි වරලත් ගණකාධිකාරී ආයතනයේ (ICAEW) සාමාජිකයෙකු වන අතර ලන්ඩන් PwC සමඟ පුහුණුවක් ද ලබා තිබේ.