රාගම මෙල්ස්ටා රෝහල වෙතින් සුවපහසු කාමර පෙළක්

රාගම මෙල්ස්ටා රෝහල විසින් ජාත්‍යන්තර ප්‍රමිතියට අනුකූලව නවීන පහසුකම්වලින් සමන්විත සුඛෝපභෝගී කාමර පෙළක් සිය රෝහලට එක් කර ඇති අතර 30%ත් 50%ත් අතර ප්‍රමාණයකින් එහි මිල අඩු වීම සුවිශේෂීත්වයකි.

රාගම මෙල්ස්ටා රෝහල මෙල්ස්ටා හෙල්ත් (Melsta Health) සමාගමේ පූර්ණ අනුබද්ධිත ආයතනයකි. අංග සම්පූර්ණ බහුවිධ සේවා සපයන රෝහලක් වශයෙන් විශාල ප්‍රදේශයක් පුරා විසිරී සිටින ලක්ෂ සංඛ්‍යාත පිරිසකට සිය සේවය සපයන අතර සිය සේවා උසස්ම ජාත්‍යන්තර ප්‍රමිතියෙන් ලබා දීමට විශේෂ උත්සාහයක් දරනු ලබයි. ශ්‍රී ලංකා ප්‍රමිතිකරණ ආයතනය වෙතින් ISO 9001:2015 සහතිකරනු ලැබූ පළමු සෞඛ්‍ය සේවා ආයතනය බවට පත්වීම සහ ජාතික තත්ත්ව සම්මාන උලෙළේ දී නොමඳ ඇගයීමට පාත්‍ර වීම රාගම මෙල්ස්ටා රෝහල සිය ප්‍රමිතිය සම්බන්ධයෙන් දක්වන කැපවීම මනාව ප්‍රදර්ශනය කරයි.