557
කොමර්ෂල් බැංකුව මෙරට බැංකු රක්ෂණයේ පුරෝගාමී සමාගම වන AIA ඉන්ෂුවරන්ස් ලංකා සමාගම සමඟින් සුවිශේෂී වූ දිගු කාලීන බැංකු රක්ෂණ හවුල්කාරීත්වයකට එළැඹි ඇත. ඒ අනුව AIA ශ්‍රී ලංකා, කොමර්ෂල් බැංකුවේ නිත්‍ය බැංකු රක්ෂණ සහකරුවා ලෙස ඉදිරියේ දී කටයුතු කරනු ඇත. වසර 100කට වඩා වැඩි ඉතිහාසයක් සහිත කොමර්ෂල් බැංකුව සහ AIA ශ්‍රී ලංකා, අසමසම ශක්තියක්, විශාල අත්දැකීම් සමුදායක් සහ ඉහළ කීර්තියත් සහිත ආයතන දෙකක් බවත් , AIA හි ආසියාව පුරා ඇති අතිමහත් අත්දැකීම් සමුදාය සහ කොමර්ෂල් බැංකුවේ දේශීය ප්‍රජාව සමඟ ඇති අර්ථවත් සබඳතා සමඟින් ඇතිවන සුසංයෝගය, දිවයින වටා ශාඛා 272ක මිලියන 3.5 කට වැඩි ගනුදෙනුකරුවන්ගෙන් යුත් ව්‍යාපාර ජාලය වෙත ආකර්ෂණීය විසඳුම් ලබා දීම සඳහා කදිම වේදිකාවක් සපයනු ඇති බවත් AIA ශ්‍රී ලංකා පවසයි.
