DIMO Agribusinesses, සිය LOVOL හාවස්ටර් සඳහා පිරිනමන අලෙවියෙන් පසු සේවා සත්කාරය නිසා ගොවිජනතාව අතර වඩාත් ප්‍රචලිත වීමත් සමඟ පසුගිය කන්නය තුළ LOVOL වෙළෙඳ පොළ කොටස දෙගුණ කරගැනීමට සමත් විය.
විවිධ මූල්‍ය සමාගම් සමඟ එක්වෙමින් LOVOL හාවස්ටර් යන්ත්‍ර සඳහා ලීසිං විසඳුම් ලබා දීම, අවුරුද්දක වගකීම් කාලය, අමතර කොටස් මිලදී ගැනීමේදී විශේෂ වට්ටම් ඇතුළු දිවයින පුරා විසිර සිටින LOVOL වෙළෙඳ නියෝජිතයන් ද මෙම ශීග්‍ර වර්ධනයට හේතු වී ඇත. ඉදිරියේදී හාවස්ටර් යන්ත්‍ර හිමියන් සහ ක්‍රියාකරුවන් සඳහා සමිති පිහිටුවා අවශ්‍ය යාන්ත්‍රික දැනුම හා නිවරැදි කෘෂිකාර්මික පිළිවෙත් සඳහා උපදෙස් ලබා දීමටද DIMO Agribusinesses සැලසුම් කර ඇත.
DIMO හී විධායක අධ්‍යක්‍ෂක රජීව් පණ්ඩිතගේ පැවසුවේ, මේ රටට ප්‍රථම කම්බයින් හාවස්ටර් යන්ත්‍රය හඳුන්වා දෙමින් ලංකාවේ කෘෂි යාන්ත්‍රිකරණ ක්‍රියාවලියේ පුරෝගාමි සමාගමක් ලෙස DIMO හැඳින්වීය හැකි බවය.
