1.1K
SLIM – Battle of Brain Champs-2023 – Marketers Quiz ප්‍රශ්න විචාරාත්මක තරගාවලියේ නොකඩවා දෙවන වරටත් ශුරතාව දිනාගැනීමට මහජන බැංකුවේ කණ්ඩායම සමත් විය.
අලෙවිකරණය, උපාය මාර්ගික ක්‍රමෝපායන්, සන්නාමකරණය සහ සාමාන්‍ය දැනුම යන ක්ෂේත්‍රයන්ට අදාළව තරගකරුවන්ගේ දැනුම වැඩි දියුණු කිරිමේ අරමුණින් ශ්‍රී ලංකා අලෙවිකරුවන්ගේ ආයතනය මෙම තරගාවලිය වාර්ෂිකව සංවිධාන කරනු ලබයි.
අලෙවිකරණ සංකල්ප, ගනුදෙනුකාර හැසිරීම්, සන්නාම මූලධර්ම, ජාත්‍යන්තර අලෙවිකරණය, ආර්ථික විද්‍යාව, ව්‍යාපාර විශේෂතා සහ උපාය මාර්ගික ක්‍රමෝපායන් යන අංශ ආවරණය වන පරිදි වට පහකින් මෙම තරගාවලිය සමන්විත විය.
ජයග්‍රාහි මහජන බැංකුවේ කණ්ඩායම පුලස්ති ගුණසේකර – කණ්ඩායම් නායක, චරිත් මලලසේකර, පසන් ගුණරත්න, උපේක්ෂ විදානපතිරණ සහ අමන්දා පාක්‍යනාදන් සමන්විත විය.
