ඇඟලුම් නිෂ්පාදන ක්ෂේත්‍රයේ ගෝලීය ප‍්‍රමුඛයෙක් වන MAS Holdings, සිය Women Go Beyond (WGB) වැඩසටහනේ අතිසාර්ථක 20 වන වසර සමරනු ලැබීය. 2003 හි ආරම්භ කරන ලද, WGB තුළින් කාන්තාවන් සවිබල ගැන්වීම, සම්මුතීන්ට අභියෝග කිරීම සහ අභියෝගයන්ට ඔරොත්තු දීමේ හැකියාව ඇති කාන්තාවන්ට අත්වැලක් වීම ඇතුලු සමාජ සත්කාරමය වැඩසටහන් රැසක් දියත් කරන ලදී. 20 වන සංවත්සරය ස්ත්‍රි පුරුෂ සමානාත්මතාවය සහතික කිරීම වෙනුවෙන් වූ MAS හි කැපවීම සහ WGB හි මෙහෙවර පිළිබඳ තවත් සාක්ෂියකි.
Women Go Beyond හි ප්‍රධානී තනුජා ජයවර්ධන සඳහන් කරන්නේ,” වසර 20කට වැඩි ගමන සහ සමානාත්මතාව තුළින් ඔවුන් ලබා ඇති ප්‍රගතිය දෙස ආපසු හැරී බලන විට, ”කාන්තාවන් පෙරමුණට” යන සංකල්පය යටතේ ඊට අභියෝගයක් වන බාධක බිඳ දමා සැමට සමානව ගරු කරන අනාගතයක් වෙනුවෙන් WGB වැඩසටහන අඛණ්ඩව කැපවී සිටින බවයි. 2025 වන විට, MAS Holdings හි ඉලක්කය බවට පත්ව ඇත්තේ කාන්තාවන්ගෙන් 30% ක් කළමනාකරණ තනතුරු වෙත ගෙන ඒම වන අතර, කාන්තාවන්ට සමාන අවස්ථා සහ තීරණ ගැනීමේ බලය ඇති ලෝකයක් වෙනුවෙන් පෙනී සිටීමයි.
