DIMO Agribusinesses දිවයිනේ කෘෂිකාර්මික ප්‍රදේශ ඉලක්ක කරගනිමින් නොමිලයේ සංවිධානය කරන DIMO කෙයා කෑම්ප් ට්‍රැක්ටර් රථ සේවා කඳවුර පසුගියදා සාර්ථකව අවසන් විය. මෙම වැඩසටහන දින 12ක් මඩකලපුව, කුරුණෑගල, අනුරාධපුර, පොලොන්නරුව, අම්පාර වැනි කෘෂිකාර්මික දිස්ත්‍රික්ක ආවරණය වන පරිදි සංවිධානය කර තිබූ අතර මෙම සෑම දිස්ත්‍රික්කයකම චෙන්කලාඩි, උහන, සෙවණපිටිය, ගල්නෑව, ඉබ්බාගමුව සහ ගලෙන්බිඳුණුවැව යන නගර කේන්ද්‍ර කර ගනිමින් ක්‍රියාත්මක විය.
කෘෂි යන්ත්‍රෝපකරණ නිසි නඩත්තු සේවා සඳහා යොමු කිරීමෙන් කාර්යක්ෂමව වගා කටයුතු කිරීමට සහයෝගය ලබා දීමේ අරමුණින් DIMO වෙතින් මෙම වැඩසටහන දියත් කරන ලදී. ට්‍රැක්ටර් රථ නොමිලේ පරීක්ෂාව, අමතර කොටස් සඳහා විශේෂ වට්ටම්, නොමිලේ අක්ෂි සායනය ඇතුළු FM දෙරණ සමඟ එක්ව විශේෂ ක්‍රියාකාරකම් රැසක්ද එහිදි සංවිධානය වී තිබිණි. “DIMO කෙයා කෑම්ප්“ ශ්‍රී ලංකාව තුළ පැවැත් වූ ප්‍රථම සියලුම ට්‍රැක්ටර් රථ හිමියන් සඳහා විවෘත වූ සේවා වැඩසටහනක් ලෙස ඉතිහාසගත වන අතර ගොවි ප්‍රජාවගේ ඉහළ ප්‍රතිචාර මත DIMO Agribusinesses මෙම වැඩසටහන වාර්ෂිකව පැවැත්වීමට කටයුතු සංවිධානය කර ඇත.
