ශ්‍රී ලංකාවේ ප්‍රමුඛ පෙළේ විවිධාංගීකරණය වූ සමූහ ව්‍යාපාරයක් වන DIMO, ශ්‍රී ලංකා සහතිකලත් කළමනාකරණ ගණකාධිකාරී ආයතනය (CMA) විසින් සංවිධානය කරන ලද CMA Excellence in Integrated Reporting 2023 සම්මාන උළෙලේ දී සමස්ත රන් සම්මානයේ සම ජයග්‍රාහකයකු ලෙස පිදුම් ලැබීය.
9 වැනි වරටත් සංවිධානය කෙරුණු මෙම සම්මාන උලෙළේදී ප්‍රධාන සම්මානයට අමතරව, ‘හොඳම ඒකාබද්ධ වාර්ෂික වාර්තා දහය’, ‘හොඳම සංක්ෂිප්ත වාර්ෂික වාර්තාව සඳහා වූ විශේෂ සම්මානය’සහ ‘හොඳම ඒකාබද්ධ චින්තනය සඳහා වූ විශේෂ සම්මානය’ යන ත්‍රිත්වය දිනා ගැනීමට ද DIMO සමත් විය. එහි සභාපති රංජිත් පණ්ඩිතගේ ජයග්‍රහණ පිළිබඳ අදහස් දක්වමින් පවසා සිටියේ. මෙම සම්මානය, සමාගම විසින් අනුගමනය කරනු ලබන මූල්‍ය වාර්තාකරණය පිළිබඳ උසස් ප්‍රමිතීන් පමණක් නොව ආයතනයේ පාරිසරික, සමාජීය සහ ආයතනික පරිපාලන ප්‍රගතීන් ද මනාව පිළිබිඹු කෙරෙන බවයි.
