ශ්‍රී ලංකාවේ දිරිය කාන්තාවන් සවිබල ගැන්වීමේ අරමුණින් NDB බැංකුව සංවිධානය කරන ජාතික මට්ටමේ සම්මාන උ‍ෙලළක් වන ශ්‍රී ලංකා වනිතාභිමානි, අඛණ්ඩව සිවුවැනි වරටත් ආරම්භ විය.
මාස 6-7 ක කාලයක් මුළුල්ලේ විහිදෙන වනිතාභිමාන සම්මාන උලෙළ සම්මාන වැඩසටහනේ අවසානය කාන්තා දිනයට සමගාමීව උත්කර්ෂවත් ලෙස සමරනු ලබන අතර එහිදී ආර්ථික හා සමාජයීය ව්‍යුහයන් තුළ විවිධ අංශ ඔස්සේ කාන්තාවන් ලබා ඇති සුවිශේෂී ජයග්‍රහණයන් අගයනු ලැබේ.
‘ඔබටත් වඩා ඔබ ගැන වැඩිපුර’ නමැති අරමුණින් ක්‍රියාත්මක වන NDB අරලිය කාන්තා බැංකුකරණ පද්ධතිය යටතේ අදියර හතරකින් පැවැත්වෙන මෙම වැඩසටහන සම්බන්ධව අදහස් ප්‍රකාශ කරමින් NDB හි ප්‍රධාන විධායක නිලධාරී දිමන්ත සෙනෙවිරත්න පැවසුවේ විවිධ ක්ෂේත්‍රවල නියුතු කාන්තාවන් විදහා දක්වන විශිෂ්ටතා සොයා ඔවුන් ඇගැයීමට කැප වූ මෙම වැඩසටහන, ආර්ථික කටයුතු සඳහා කාන්තා සහභාගීත්වය ඉහළ නැංවීමෙහිලා ජාතික වශයෙන් වැදගත් වූ කාර්යයක් ඉටු කරනු ඇති බවය.
