ක්‍රිෂ්ණමූර්ති පද්ධතිය අනුව ජන්ම පත්‍රයක 2 වැනිභාවය විශ්ලේෂණය කිරීමට මෙම ජන්ම පත්‍රය යොදා ගන්න.
මේ ජන්ම පත්‍රයේ 2 වැනි භාව ස්ඵුටය මකර රාශියේ 130 18’ 08“ හි යෙදී ඇත. එය ශනි ග්‍රහයා හිමි රාශියක සඳු ග්‍රහයා හිමි නක්‍ෂත්‍රයක සහ රාහු ග්‍රහයා හිමි උපස්ථානය ද යෙදී ඇත.
මේ 2 වැනි භාව ස්ඵුටයේ උප ස්ථානය හිමි ග්‍රහයා රාහුය. මේ රාහු ජන්ම පත්‍රයේ 8 වැනි භාවයේ රවි හිමි සිංහ රාශියේ සහ කේතු ග්‍රහයා හිමි නක්‍ෂත්‍රයක තැන්පත්ව සිටියි. උපස්ථානය හිමි රාහු ග්‍රහයා, 8 වැනි භාවයට සම්බන්ධ වන නිසා පාරම්පරික දේපළ, රක්‍ෂණ සහ පාරිතෝෂික මුදල් යනාදිය ලබයි.
රාහු ග්‍රහයා නියෝජනය කරන රවි ග්‍රහයා 5 වැනිභාවයට සම්බන්ධ වන නිසා සංගීත, නාට්‍ය සහ ක්‍රීඩා කටයුතුවලට යොමු වීමෙන් ආදායම ලබයි. දරුවන්ගෙන් ලබයි.
රවි ග්‍රහයා 9 වැනිභාවයට සම්බන්ධ වන නිසා බැංකු කටයුතුවලින් මුදල් පාඩු ඇති වෙයි. ආනයන සහ අපනයන කටයුතු මඟින් ලාභ ලබයි. විදේශ සංචාරවල යෙදෙයි. මේ රාහු ජන්ම පත්‍රයේ රාහු ග්‍රහයා නියෝජනය කරන කේතු ග්‍රහයා 2 වැනිභාවයට සම්බන්ධ වන නිසා යහපත් ධන තත්ත්වයක් ඇති අයෙකි. පවුලේ අය සමඟ ඉතා ළැදිව කටයුතු කරයි. බොහෝ මුදල් ලබයි.
