ආචාර්ය නලින් ද සිල්වාගේ අවසන් කටයුතු අ‍ෙමරිකාවේදී

අභාවප්‍රාප්ත ආචාර්ය නලින් ද සිල්වාගේ අවසන් කටයුතු මැයි මස 05 ඉරිදා (අද) අ‍ෙමරිකාවේ කැලිෆෝනියා ප්‍රාන්තයේ දී සිදු කිරීමට තීරණය කර ඇත. එම අවසන් කටයුතුවලට සමගාමීව මෙරට දී බෞද්ධ චාරිත්‍රානුකූලව අවමංගල්‍ය කටයුතු සිදුකර ආචාර්ය නලින් ද සිල්වා පින් අනුමෝදන් සිදු කිරීමට කටයුතු කර ඇත. ඒ අනුව මෙරට සිටින මහා සංඝරත්නය ප්‍රමුඛ ජාතික හා දේශමාමක සංවිධාන ගණනාවකගේ එකතුවක් විසින් ඒ මහතා වෙනුවෙන් ආගමික වතාවත් ඉරිදා පස්වරු 3.00 ට කොළඹ 07, සමස්ත ලංකා බෞද්ධ මහා සම්මේලන ශාලාවේ දී සිදුකිරීමට නියමිතය. මෙහි සංවිධාන කටයුතු කොළඹ 07 ධර්මායතනාධිපති පූජ්‍ය ඇල්ලේ ගුණවංශ, චින්තන පර්ෂදයේ සභාපති බෙංගමුවේ නාලක හිමිවරු සිදු කරති. අගමැති දිනේෂ් ගුණවර්ධන මහතා ප්‍රමුඛ ජාතික නායකයින් මේ අවස්ථාවට සහභාගි වීමට නියමිතය.