702
පළාත් පාලන ආයතනවල කැළි කසළ කළමනාකරණය කර ‘බයෝගෑස්‘ නිෂ්පාදනය කිරීමේ ව්‍යාපෘතියක් ආරම්භ කිරීමට කටයුතු යොදා ඇතැයි පළාත් පාලන රාජ්‍ය අමාත්‍ය ජානක වක්කුඹුර පවසයි.
ඒ සඳහා ආරම්භයක් ලෙස රුපියල් මිලියන 200ක් වෙන් කර ඇතැයි ද ඔහු පැවසුවේය.
එම ව්‍යාපෘතිය ඉතා ඉක්මනින් අවසන් කර, රටේ සෑම පළාතකම කසළ කළමනාකරණය කරමින් ප්‍රාදේශීය සභාවලට ආදායමක් ලබාගැනීමට හැකි පරිසරයක් නිර්මාණය කරන බවද ඔහු කීවේය.
හෙතෙම තවදුරටත් පවසා සිටියේ මේ වන විට ලංකාවේ සෑම පළාතකම සංචාරකයන් ගැවසෙන නිසා සෑම තැනක්ම පිරිසිදුව තැබීම මඟින් වඩා ආකර්ෂණීය අත්දැකීමක් ඔවුන්ට ලබාදිය හැකි බවයි.
රසික කොටුදුරගේ