පෙබරවාරි 02 වන දිනට යෙදෙන ලෝක තෙත්බිම් දිනය සැමරීම නිමිත්තෙන් මධ්‍යම පරිසර අධිකාරිය වනජීවී සංරක්ෂණ දෙපාර්තමේන්තුව සමඟ ඒකාබද්ධව විශේෂ වැඩසටහනක් ක්‍රියාත්මක කිරීමට කටයුතු යොදා ඇත. ඒ අනුව, මෙවර තෙත්බිම් දින ජාතික උත්සවය තලවතුගොඩ දියසරු උයන පරිශ්‍රයේ පැවැත්වීමට කටයුතු යොදා ඇති අතර ඊට සමගාමීව තෙත්බිම් රැක ගැනීමේ වැදගත්කම පහදා දෙන අයුරින් ප්‍රායෝගික වැඩසටහන් සූදානම් කර තිබේ.
තෙත්බිම් පිළිබඳ දැනුම වර්ධනය කිරීමේ අරමුණින් සකසා ඇති මෙම වැඩසටහනේ “පාරිසරික ඡායාරුප වැඩමුළු”, “පාරිසරික චිත්‍ර ඇඳීමේ වැඩමුළු” සහ “තලංගම සහ දියසරු උයනේ පවත්වන පාරිසරික අධ්‍යයන චාරිකා” සඳහා සහභාගීවන පිරිස් ඒ සඳහා ලියාපදිංචිය (නොමිලයේ) ලබා ගත යුතුය. www.cea.lk යන මධ්‍යම පරිසර අධිකාරියේ නිල වෙඩ් අඩවියට පිවිස එහි දකුණු පස තීරයේ ඇති “Wetland Festival” ලෙස දක්වා ඇති ස්ථානය වෙත පිවිසීමෙන් අදාළ තොරතුරු ලබා ගත හැකිය.
මෙයට අමතරව තෙත්බිම් පිළිබඳ දැනුම වර්ධනය කරගැනීම සඳහා දැනුම ලබා ගැනීමට කැමති ඕනෑම අයෙකුට 2024 පෙබරවාරි මස 02 දින ප.ව. 1.00 සිට ප.ව. 5.00 දක්වාත් 2024 පෙබරවාරි 03 වන දින පෙ.ව. 9.00 සිට ප.ව. 5.00 දක්වාත් තලවතුගොඩ දියසරු උයන පරිශ්‍රය නොමිලයේ නැරඹීමට සහ එම පරිශ්‍රයේ තෙත්බිම් දිනය වෙනුවෙන් පවත්වනු ලබන ප්‍රදර්ශන කුටි නැරඹීමේ අවස්ථාව උදාකර ගත හැකිය.
