තුන්වැනි පාර්ශ්වයේ (3rd Party) රක්ෂණයක් සහිත වාහනයක ගැටීමෙන් යමකුට ජීවිත හානියක් හෝ වෙනයම් අනතුරක් සිදු වුවහොත් එම පුද්ගලයාට
අධිකරණයට නොයා අදාළ වන්දි මුදල රක්ෂණ සමාගමෙන් ලබාදීමට රක්ෂණ සමාගම් එකඟ වූ බව ප්‍රවාහන රාජ්‍ය ඇමැති ලසන්ත අලගියවන්න පවසයි.
මෙම රෙගුලාසි මෝටර් රථ ප්‍රවාහන පනතට ඇතුළත් කිරීමට කටයුතු යොදා ඇති බවත් එම සංශෝධන මාර්තු මස පළමුවැනිදා වනවිට සිදු කිරීමට නියමිත බවත් මෙරට ක්‍රියාත්මක හතළිහකට ආසන්න රක්ෂණ සමාගම් සහ රක්ෂණ නියාමන කොමිෂන් සභාව සමඟ සාකච්ඡා කිරීමෙන් පසුව මෙම තීරණය ගත් බවත් හෙතෙම සඳහන් කළේය.
මෙහිදී රුපියල් ලක්ෂ 5ක උපරිමයකට යටත්ව වන්දි ගෙවීමට රක්ෂණ සමාගම් කැමැත්ත පළ කර ඇති බවත් අනතුරට ලක්වූ පුද්ගලයාට එම වන්දි මුදල ප්‍රමාණවත් නොවන්නේ නම් අධිකරණය හමුවට ගොස් වන්දි මුදල වැඩි කර ගැනීම සඳහා කටයුතු කළ හැකි බවත් ප්‍රවාහන රාජ්‍ය ඇමැතිවරයා වැඩිදුරටත් පැවසීය.
රසික කොටුදුරගේ