SLT-MOBITEL Home Broadband වෙතින් රාත්‍රියට නොමිලයේ අන්තර්ජාල පහසුකම්

ජාතික තොරතුරු හා සන්නිවේදන තාක්ෂණ විසඳුම් සම්පාදක SLT-MOBITEL, සිය Home Broadband පාරිභෝගිකයන්ට මධ්‍යම රාත්‍රියේ සිට පෙ.ව 7.00 දක්වා නොමිලයේ අසීමිත ඩේටා පහසුකම් ලබා දීමට පියවර ගෙන තිබේ.

පාරිභෝගික අවශ්‍යතා හඳුනාගමින්, මාසික පැකේජ භාවිත කරන සියලුම SLT-MOBITEL පාරිභෝගිකයන්ට මෙන්ම ඉදිරියේදී මාසික පැකේජ සහිතව අලුතින් අන්තර්ජාල සම්බන්ධතා ලබාගන්නා සියලුම පාරිභෝගිකයන්ට මෙම ‘Midnight Thriller’ ක්‍රමය යටතේ රාත්‍රී කාලයේ අන්තර්ජාල පහසුකම් සීමා සහ ගාස්තුවලින් තොරව නොමිලයේ හිමි වේ. ‘Midnight Thriller’ ලබාගැනීම සඳහා පාරිභෝගිකයන් අමතර ගාස්තු ගෙවීම හෝ අමතර සේවා සක්‍රීය කිරීම අවශ්‍ය නොවේ. පාරිභෝගික තෘප්තිය උදෙසා නිරන්තරයෙන් කැප වී සිටින SLT-MOBITEL දියත් කළ ‘Midnight Thriller’, මෙරට පාරිභෝගිකයන්ගේ අන්තර්ජාල අත්දැකීම නව මානයකට රැගෙන යනු නිසැක ය.