වැඩි මිලට සහල් දුන්නොත් නීතිය තදින්ම

සහල් වැඩි මිලට විකුණන ස්ථාන සොයා පුළුල් වැටලීම් සිදුකරන බව පාරිභෝගික කටයුතු පිළිබඳ අධිකාරිය පවසයි. සහල් පිළිබඳ උපරිම සිල්ලර මිල නියම කරමින් වූ ගැසට් නිවේදනයට පරිබාහිරව යමින් සහල් අලෙවි කිරිමේ යෙදෙන බවට වූ පැමිණිලි මත දිවයින පුරා මෙම වැටලීම් සිදු කෙරෙයි.

පාරිභෝගික කටයුතු පිළිබඳ අධිකාරිය පවසන්නේ සහල් වැඩි මිලට අලෙවි කරන පුද්ගලයින් හා ස්ථාන සම්බන්ධයෙන් මහජනතාවට 1977 දුරකතන අංකයට පැමිණිලි කළ හැකි බවයි. නව වසරේ සහල් වැඩි මිලට විකුණන තැන් සොයා පුළුල් වැටලීම් දිවයින පුරා තදින්ම නීතිය ක්‍රියාත්මක කිරීමට නිලධාරීන්ට උපදෙස් දී ඇත.